Maxsus qism iqtisodiyot sohasidagi jinoyatlar. Ekologiya sohasidagi jinoyatlar

obyektiv tomoni 
jinoyatni ro‘yxatga olishni 
yashirish
, ya’ni tegishli mansabdor shaxs hech qanday asoslarsiz arizani 
(xabarni) qabul qilishdan bosh tortishi yoki ro‘yxatga olishni rad etishiga 
qaratilgan jinoiy harakatsizligida namoyon bo‘ladi; jinoyat haqidagi 
aniqlangan ma’lumotlarni yo‘q qilish; ariza, xabar yoki ma’lumotlarni 
o‘rganib chiqmaslik, jinoyat ishini qo‘zg‘atish haqidagi masalani hal qilish 
uchun tegishli bo‘lgan va o‘rganib chiqish zarur bo‘lgan ma’lumotlarni 
o‘rganib chiqmaslik yoki ushbu ma’lumotlarni o‘rganib chiqish natijalari 
bo‘yicha jinoyat ishini qo‘zg‘atishni rad etish to‘g‘risidagi asoslanmagan 
qaror chiqarishdan iborat harakatdan iborat. 
JPK 329-moddasi 1-qismiga ko‘ra, jinoyatga oid arizalar, xabarlar va 
boshqa ma’lumotlar ro‘yxatga olinishi va darhol, jinoyat ishini qo‘zg‘atish 
uchun sabab qonuniyligini va asoslar yetarli ekanligini bevosita yoxud 
surishtiruv organlari yordamida tekshirish zarurati bo‘lgan taqdirda esa, 
o‘n sutkadan kechiktirmasdan hal qilishi lozim. Ushbu muddat jinoyatga 
oid ma’lumotlar olingan paytdan boshlab hamda to ishni qo‘zg‘atish yoki 
qo‘zg‘atishni rad qilish to‘g‘risida qaror chiqarilguniga qadar yoxud 
tergovga qadar tekshiruv materiallari JPK 587-moddasiga muvofiq 
prokurorga yuborilguniga qadar bo‘lgan vaqtni o‘z ichiga oladi. 
Mazkur jinoyat aybdorning jinoyat haqidagi arizani (xabar) qabul 
qilishni rad etgan yoki jinoyat haqida olingan (bevosita aniqlangan) 
ma’lumotlarni yo‘q qilgan yoxud yuqorida ko‘rsatilgan hujjatlarni ko‘rib 
chiqish yoki ro‘yxatga olish uchun o‘rnatilgan qonuniy muddatlarning 
o‘tishi bilan 
jinoyat tugallangan 
hisoblanadi. 
Jinoyatni ro‘yxatga olishni qasddan yashirish jinoyati 
subyektiv 
tomondan to‘g‘ri qasd 
bilan tavsiflanadi. Aybdor o‘z harakati 
(harakatsizligi)ning jinoiyligini oldindan biladi va jinoyatni ro‘yxatga 
olishdan yashirishni xohlaydi. Bu holatda subyekt g‘arazgo‘ylik niyatlarda 
biron-bir shaxsdan o‘ch olish yoki manfaatdor shaxslarning bevosita yoki 
524 

---

bilvosita ko‘rsatmalarini bajarish orqali jinoyat sodir etgan shaxsni jinoiy 
javobgarlikdan olib qolish maqsadalarida harakat qilishi mumkin. 
Jinoyatning