Ўзбекистон республикаси олий ва ўрта махсус таълим вазирлиги хамидов мухамадхан

Қумли фильтрларни ювиш 
Фильтрнинг қум қатлами сувни тескари оқизиш йўли билан ювиб 
турилади. Фильтрни ювиш муддатлари оралиғи сувнинг тозалиги ва сувнинг 
қанча кўп оқиб ўтаѐтганлигига боғлиқ равишда белгиланади. Сув ифлос бўлса, 
фильтрни тез-тез (суткасига бир неча бор) ювиш талаб этилади. Одатда, 
фильтрларни суткасига камида икки маротаба ювиш тавсия қилинади. 
Қумли фильтрларни ювиш унинг турига қараб, икки кўринишда амалга 
оширилади.

---

147 
Бир камерали фильтрларни ювиш учун, улар ишдан тўҳтатилади ва кейин 
ювилади. Бунда, фильтрга келаѐтган сув жўмраги ѐпилади ва ювиш қувурининг 
жўмраги очилади. Сув фильтрнинг ичида тескари оқимда ҳаракатланади. 
Фильтрловчи материал устига йиғилган ифлосликлар тескари оқаѐтган сув 
билан ташламага чиқариб ташланади. Фильтрни ювиш бир суткада камида бир 
марта амалга оширилади. 
38-расм. Бир камерали қумли фильтрнинг фильтрлаш ва ювиш 
режимларини кўриниши 
 
Томчилатиб суғориш тизимида бир камерали фильтр ишлатилганда, 
унинг сони камида иккита бўлиши лозим. 
Икки камерали (D/C типидаги) фильтрларни ювиш фильтрни ишдан 
тўҳтатмаган тарзда амалга оширилади. Бунда фильтрнинг бир камерасига 
келаѐтган сув жўмраги ѐпилади ва ювиш қувурининг жўмраги очилади. Сув 
фильтрнинг ичида тескари оқимда ҳаракатланади. Фильтрловчи материал
устига йиғилган ифлосликлар тескари оқаѐтган сув билан ташламага чиқариб 
ташланади. Фильтрлаш ускунасининг иккинчи камераси ишдан тўҳтамаган 
ҳолда, фаолиятини давом эттиради. Кейинчалик, иккинчи камера ювилаѐтган 
вақтда, биринчи камера фильтрлаш фаолиятини давом эттиради. Фильтрни 
ювиш камида бир суткада бир марта амалга оширилади.

---

148 
 
39-расм. Икки камерали қумли фильтрнинг фильтрлаш ва ювиш 
режимларида ишлатилиши 
Томчилатиб суғориш тизимида икки камерали (D/C типидаги) фильтр 
ишлатилгагнда эса, битта фильтр билан кифояланиш мумкин.
Фильтрни ювиш муддатлари оралиғи сувнинг тозалиги ва сувнинг қанча 
кўп оқиб ўтаѐтганлигига боғлиқ. Сув ифлос булса, фильтрни тез-тез (суткасига 
бир неча бор) ювиб туриш талаб этилади. Одатда, фильтрлар суткасига камида 
икки маротаба ювилади. 
Фильтрлашга юборилаѐтган сувнинг миқдори фильтрнинг қувватидан 
ошиб кетмаслиги лозим. Фильтрнинг сув тозалаш қобилияти доимо насоснинг 
сув сарфидан юқори қилиб белгиланади. Акс ҳолда, сув яхши тозаланмайди ва 
тизим томизгичларининг тиқилиб қолиши ҳавфи ортади.
Фильтрлаш станцияси доимо бир киши томонидан ишлатилиши мақсадга 
мувофиқ ҳисобланади.