Yaponiya raqamli universiteti yagona ta’sischisi “Digital Knowledge Co., Ltd.” Ajning 2020-yil 3-dekabrdagi 2-son qarori bilan

---

Yaponiya raqamli universiteti yagona ta’sischisi 
“Digital Knowledge Co., Ltd.” AJning

2020-yil 3-dekabrdagi 2-son qarori bilan
«TАSDIQLАNGАN» 
 
 
 
 
 
 
 
 
 
 
 
 
Yaponiya raqamli universitetining nizomi 
 
 
 
 
 
 
 
 
 
 
 
 
 
 
 
 
Toshkent - 2020 
 

---

I. Umumiy qoidalar 
1. Tashkil etish asoslari 
Yaponiya raqamli universiteti (bundan keyin “JDU” yoki “ushbu universitet” deb yuritiladi)
- bu O'zbekiston Respublikasi Prezidentining 2019-yil 28-dekabrdagi "O‘zbekiston Respublikasi
va Yaponiya o‘rtasida ikki tomonlama hamkorlikni yanada kengaytirish va mustahkamlash
chora-tadbirlari to‘g‘risida"gi PQ-4553-sonli qarori va O'zbekiston Respublikasi Vazirlar
Mahkamasining 2020-yil 2-dekabrdagi "Toshkent shahrida Yaponiya raqamli universitetini tashkil
etish to'g'risida"gi 762-sonli qarorlariga muvofiq tashkil etilgan universitetdir. 
2. JDUning maqsadi 
JDU bu - O’zbekistonda turib Yaponiya odatiy universitetlarining onlayn darslari, yapon tili
va malakaviy kurslar bo’yicha ta’lim olish mumkin bo’lgan O’zbekistondagi universitet
hisoblanadi. O’zbekistonlik talabalar O’zbekiston ichidagi kampusga o’qishga qatnagan holda,
internet orqali Yaponiya universitetlari diplomini qo’lga kiritishlari mumkin. Bundan tashqari,
yapon tilini o’zlashtirish, muhandislik sertifikatini qo’lga kiritish, Yaponiyada ishlash
shart-sharoitlari haqida o’rganish kabi Yaponiyada ishga kirishda asqotadigan yuqori darajali ish
qobiliyatlari ham o’rganiladi. O'qishni tamomlashdan oldin yaxshi Yaponiya kompaniyalaridan ish
topib va o'qishni tugatgandan so'ng Yaponiyaga borilib, u yerdagi mehnat faoliyati orqali biznes
ko'nikmalar yanada takomillashtiriladi. Bunda, O'zbekistonga qaytgandan so’ng, O'zbekistonning
rivojlanishiga hissa qo'sha oladigan inson resurslarini yetishtirish maqsad qilingan.