Боҳодир эшов

3-мавзу. «Авесто»-давлатчилик тарихини ўрганишдаги муҳим 
манба 
1-§. Заратуштра ва зардуштийлик
Ўрта Осиѐдаги турли халқларнинг қадимги даврлардаги диний қарашлари 
ва эътиқодлари, пайғамбарлари ва улар таълимотларининг ѐйилиши 
масалалари узоқ йиллардан буѐн тадқиқ этилаѐтган бўлса-да, ҳамон кўпгина 
олимлар орасида илмий мунозараларга сабаб бўлаѐтган масаладир. Маълумки, 
аҳамонийлар давридан бошлаб (балки ундан ҳам олдинроқ) араб босқинига 
қадар Ўрта Осиѐ халқлари орасида кенг ѐйилган ва асосий дин – 
зардўштийлик дини эди. Бу диннинг асосчиси Заратуштра ва унинг фаолияти, 
бу диннинг муқаддас китоби «Авесто» ва у пайдо бўлган ҳудуд ҳақидаги 
масалалар ҳам ҳозирги кунда кўпчилик тадқиқотчиларнинг диққат марказида 
турибди. 
Жуда кўпчилик тадқиқотчиларнинг фикрича, Заратуштра афсонавий 
бўлмасдан, тарихий шахс ҳисобланади. У грек-рим манбаларида Зороастр, 
қадимги форс тилида Зардушт, ўрта форс тилида Заратуштра номи билан 
эслатилади. Манбаларнинг гувоҳлик беришича, у Спитама авлодидан 
(Суғдийча Спитаман деган исм ҳам шундан келиб чиққан) бўлиб, отасини 
Поурўшасп, онасини Дугдова деб аташган. Унинг номи «олтин туяли» , 
«олтин туя етаклаган одам» маъносини беради. Заратуштранинг отаси 
коҳинлар табақасига мансуб бўлиб, у туғилган мамлакат бизга номаълум. 
Буларнинг барчаси Заратуштра ҳаѐти тарихи, унинг туғилган жойи ва санаси, 
зартўштийликнинг ватани ҳамда дастлабки ѐйилган ҳудудлари ҳақида тўла 
маълумот бера олмайди. Аммо, Авестонинг махсус боблари Заратуштрани 
тарихий шахс сифатида ѐритади.
Заратуштранинг қайси йилда туғилганлигини ҳақида аниқ маълумот йўқ. 
Тадқиқотчилар фикрларидан хулоса чиқарадиган бўлсак, унинг туғилган йили 
кенг тарихий саналар билан боғланади ( мил. авв. 1500-1000йиллардан 
бошлаб, мил. авв. VII-VI асрларгача). Грек-рим тарихчилари ҳам Заратуштра 
қачон туғилганлиги ҳақида аниқ маълумот бермайдилар. Фақатгина, лидиялик 
Ксанф ( мил. авв. II аср) Заратуштранинг фаолиятини Ксерксдан 600 йил аввал 
эди, деб маълумот беради. Бошқа грек муаллифларининг хабарлари бундан 
ҳам ишончсиз. Сосонийлар даври ( III-VII аср) зардўштийлар анъаналарига 
эътибор берадиган бўлсак, Заратуштранинг ҳаѐти мил. авв. VII асрнинг охири 
– VI асрнинг бошларига тўғри келади. 
Абу Райхон Беруний Заратуштранинг туғилган йилини Александр 
Македонскийдан 258 йил олдин эди, деб белгилайди. Айрим тадқиқотчилар 
бу санани тўғри деса, баъзилари нотўғри деб ҳисоблайдилар. 330 йилда 
аҳамонийларнинг сўнги вакили бўлган Доро III вафот этади. Ҳокимият 
Александринг қўлига ўтади. Агар Беруний маълумотларидан хулоса 
чиқарадиган бўлсак (330+258=588), Заратуштра мил. авв. 588 йилда туғилган. 
В.И. Абаев ва И.М.Дьяконов хулосаларига кўра, Заратуштра яшаб ўтган вақт-
бу мил. авв. VII-VI асрлардир. Олимлар фикрига кўра, Заратуштра мил. авв. 
553-541 йиллар атрофида 77 ѐшида вафот этган. Бу сана ҳисобидан 

---

122 
Заратуштра 630-553 йиллар ѐки 618-541 йиллар давомида яшаб, фаолият 
кўрсатган.
Заратуштранинг туғилган жойи ҳақида ҳозиргача ҳам баҳслар давом 
этаѐтган бўлишига қарамасдан, бу муаммога тўла аниқликлар киритилмаган. 
У ҳақида турли фикрлар мавжуд. Бир гуруҳ олимлар Заратуштрани ҳозирги 
Озарбайжон ҳудудида туғилган деб ҳисоблайдилар. Бу гуруҳ олимлар, 
Авестода келтирилган Арьянам Вайжа ( Эрон текислиги) вилоятини ўзларига 
асос қилиб оладилар. Яна бир гуруҳ олимлар Заратуштрани Бақтрияда 
туғилган деб ҳисоблайдилар. Бу гуруҳ олимлар грек тарихчиси Ктесий 
маълумотларига асосланадилар. Шунингдек, бу гуруҳ олимлар Авестонинг 
энг қадимги қисмлари Бақтрияда ѐзилганлигини таъкидлайдилар. Яна бошқа 
бир олимлар гуруҳи Заратуштранинг ватани – қадимги Хоразм деб 
ҳисоблайдилар. Олимлар орасида Заратуштра ва Авестонинг ватани Суғдиѐна 
деган фикрлар ҳам бор. Авесто матнларида эса Заратуштра туғилган жой ва 
унинг ватани ҳақида ҳеч қандай маълумот йўқ. 
Авестода келтирилган географик ҳудудларни ўрганишдан хулоса 
чиқарган кўпчилик ҳозирги тадқиқотчилар Заратуштранинг Ўрта Осиѐ 
вилоятларидан бирида, ҳеч бўлмаганда бу ҳудудга қўшни бўлган шимоли-
ғарбий Эрон ҳудудида туғилганлигини эътироф этадилар. Умуман олганда, 
Заратуштранинг ватани Ўрта Осиѐ – Хоразм ѐки Бақтрия деб ҳисобловчи 
олимлар кўпчиликни ташкил этади.
Заратуштранинг диний ислоҳотлари ўз ватанида тарафдорларини 
топмаганлиги боис, пайғамбар ўз юртидан кетишга мажбур бўлган. 
Заратуштра эътиқодини қабул қилган биринчи тарафдорлари – бу қадимги 
Бақтрия подшоси Кави Виштасп, малика Хутаоса ва уларнинг яқин 
қариндошларидир. Заратуштра ўз ғояларида қонли қурбонлик ( мил. авв. VII 
асргача бўлган динларда одамлар ва ҳайвонлар худоларга қурбонлик 
қилинган) қилишни қатъиян қоралайди. Заратуштра яна шуни таъкидлайдики, 
одамзод яшашга ҳақли бўлиб, бу ҳуқуқдан уни маҳрум қилишга ҳеч кимнинг 
ҳаққи йўқ. 
Заратуштра ўз ғояларини тарғиб қила бошлаган давр Ўрта Осиѐ ва Эрон 
халқлари тарихида энг муҳим давр эди. Яъни, ибтидоий жамоа муносабатлари 
ўзгариб, давлатчилик тизими муносабатлари қарор топмоқда эди. Янги дин бу 
ўзгаришларни ўзида акс эттирар ва туғилаѐтган янги жамиятга хизмат 
қиларди. У бирлашишга ва кучли марказлашган ҳокимият тузишга, ўша 
даврда ўтроқ деҳқончилик билан шуғулланувчи воҳалар аҳолиси учун 
«худонинг қамчиси (тиғи)» ҳисбланган кўчманчи халқларга қарши кескин 
курашга чақирди. 
Заратуштра ислоҳотлари диний жиҳатдан ҳам, ижтимоий жиҳатдан ҳам 
бита – улуғ ва донишманд худо Ахурамаздага ( сўзма сўз таржимаси «жаноби 
доно») сиғинишга ва Ахурамазданинг душманлари деб эълон қилинган собиқ 
қабила худолари – асуралар ва девларга қарши курашга олиб келди. 
Зардўштийларнинг диний фалсафаси қарама-қарши кучларнинг курашига 
асосланган. Бу кураш худолар ўртасида бошланиб, табиатда ва инсоният 

---

123 
ҳаѐтида ҳам давом этган. Ўшандан бошлаб яхшилик ва ѐмонлик, рост ва 
ѐлғон, ѐруғлик ва зулмат ўртасида доимий ва муросасиз кураш бошланган. 
Улар ўртасидаги кураш бутун коинотга ѐйилади ва зардўштийларнинг асосий 
фалсафий таълимоти бўлиб қолади. Ёруғлик, яхшилик кучларини Ахурамазда 
( Ормўз ), ѐвўзлик, қора ва зулмат кучларни Анхро-Манѐ ( Ахриман) 
бошқаради.
Ахурамазда яхшилик, ѐруғлик, соғлик, бахт-саодат келтирувчи худо 
бўлиб ҳисобланган. Заратуштра бундай хабар қилади: «Биз Ахурамаздани 
улуғлаймиз, у чорвани, сувни ва ўсимликларни, ѐруғликни ва ерни 
яратган…». Шунингдек, Ахурамазда ҳаѐтни ва дастлабки одамни яратган 
худо деб фараз қилинган. Анхро-Манѐ ѐмонлик, ўлим ва зулмат келтирувчи 
худо бўлиб ҳисобланган. 
Заратуштранинг дини вақт ўтиши билан аста-секин турли халқлар 
орасида тарқалар экан, ўз асосини сақлаган ҳолда бироз ўзгаради. Ахурамазда 
ва Ахриман худоларидан ташқари, Авесто бир қатор бошқа улуғ худолар 
фаолияти ҳақида ҳам ҳикоя қилади. Митра, Хоума, Анахита, Аши ва Зурвон 
кабилар шулар жумласидандир. Воҳу Манах (олиҳиммат фикр) чорвага, Аши 
Ваҳишта эса оловга омийлик қилади ва ҳоказо. Ўтмишнинг энг аҳамиятли 
динларидан бўлган зардўштийлик диний-фалсафий иккиликни (дуализмни), 
қадимги урф-одатлар ва тарихий ривоятларни ўзига сингдиради ва бундан 
ташқари зардуштийлик, пайғамбар Заратуштрадан олдинги даврларга оид 
қадимги қабилаларнинг фалсафаси ва дунѐқарашларини ҳам ўз ичига олади. 
Зардўштийлик Сосонийлар даврида (милоднинг III-VII асрлари) ўзил-
кесил расмийлашган. Бу даврда зардўштийликнинг адабиѐти ҳам кенг 
тарқалади. Шуни айтиш керкки, дастлабки пайтларда зардуштийлик динининг 
муқаддас матнлари авлодлардан оғзаки етказилган ва Заратуштра ўлимидан 
кейин бир неча аср ўтгач маълумотлар тўпланиб ягона матн ѐзилган. 
Зардуштийларнинг муқаддас китоби Авесто шу тариқа юзага келган. Бир 
қатор олимлар зардуштийлик анъаналарига таяниб Авестони илк сосонийлар 
(III-IV асрлар ) даврига боғласаларда, шунга қарамай унинг биринчи таҳрири 
мил. авв. I асрларда бўлиб ўтган деб ҳисобланади. Авесто жумласи ҳам ўша 
пайтда пайдо бўлган бўлиб, у ўрта форс тилида «апастак», яъни «асос», 
«асосий матн» деган маънони билдиради.
Мусулмонларда «Қуръон», насронийларда «Библия» бўлганлигидек, 
Авесто – зардўштийлик динининг матнлари тўпламидир. Бу тўпламлар турли 
вақтларда ва турли жойларда вужудга келган. Эронда ислом дини қабул 
қилингач, Авестонинг катта қисми йўқ бўлиб кетади. Бизгача унинг кундалик 
диний амалиѐтлари учун зарур бўлган матнларигина етиб келган холос. 
Энг қизиғи Вадевдат бўлиб, тўпламнинг маъноси – «девларга қарши 
қонун» демкдир. У коҳинлар мажмуи бўлиб, покланиш маросимлари 
қоидалари, гуноҳларни ювиш ва саҳоватли бўлиш, ҳар хил урф-одат 
қоидалари, шу билан бирга дафн этиш маросимлари ҳақидаги бўлимдир. 
Зардўштийлик мураккаб ва ғоят ўзига хос маросимини ишлаб чиқди. 
Авестодаги ерга, сувга оловга ўликни текизиб ҳаром қилишни қатъий 

---

124 
тақиқлаш- унинг асосини ташкил этади. Кимки инсонни ѐки итни ерга кўмса, 
катта гуноҳ қилган ҳисобланиб, бу гуноҳи учун «отнинг қамчиси» билан 500 
марта урилган. Инсон ѐки итнинг ўлиги кўмилган ерга бир йилгача экин экиш 
таъқиқланган. Демак, зардўштийларнинг қонунларига кўра жасадни ерга 
кўмиш, сувга ташлаш, гулханда қўйдириш ман қилинган. Шунинг учун ҳам 
жасадни зардўштийлар уйдан, манзилгоҳдан, шаҳардан, тупроқдан, муқаддас 
оловдан, сувдан четлаштириб уни тошли ва қумли тепаликларга ѐки бошқа 
махсус жойларга олиб бориб қолдириганлар. Йил давомида қор ва ѐмғир 
сувлари мурда суякларини ювиб, уларни қуѐшнинг муқаддас нури яна 
тозалагандан сўнг, махсус одамлар – «гўрковлар» («ристокашлар») 
зардўштийларнинг очиқ қабристонларига келиб, тозаланган суякларни 
қишлоқ – шаҳарларга олиб келганлар. Фақат шундагина мураккаб дафн 
маросимларидан кейин, суякларни ерга кўмиш ѐки махсус хоналарда, сопол 
идишларда ва тобутчаларга сақлаш мумкин эди. 
Видевдатда бу суяк сақланадиган жой «исдона» деб юритилади, ундан 
қадимгироқ паҳлавий матнларда эса «остодан» дейилади. Унинг таржимаси 
ҳалигача аниқ эмас ва икки хил маъно беради. Айрим олимларнинг фикрича, 
исдона- остодан, сопол тобутга – оссуарий бўлиб, улар Ўрта Осиѐ қадимги 
ѐдгорликларида тез-тез учраб туради. Айрим тадқиқотчилар жумладан В.Б. 
Хеннинг бу сўзни «ер остидаги сағана» деб таржима қилган. 
Мил. авв. VI-IV асрларга оид оссуарийлар Ўрта Осиѐ ҳудудидан кўплаб 
топилган. Дафн маросими билан алоҳида одамлар гуруҳи шуғулланган бўлиб, 
уларни «ристокаш», яъни «ифлос ва тоза бўлмас одамлар» деб ҳисоблашган. 
Улар олов ва сувдан 30 метр узоқликда юришлари керак бўлган. Шунингдек 
улар одамларга 3 метргача яқин юрмаслиги лозим бўлган. Умуман 
зардўштийлик таълимоти, ер, сув, ҳаво ва оловни муқаддас деб ҳисоблаган. Бу 
анъаналардан баъзилари (сувга тупирмаслик ва пешоб қилмаслик, никоҳ 
тўйларида келинни оловдан айлантириш ва ҳоказо) бизгача сақланиб қолган. 
VII-VIII асрларда араблар Ўрта Осиѐ ва Эронни босиб олгач, бу 
ҳудудларда Заратуштра таълимоти йўқ қилиниб ислом дини ѐйилди, 
зардўштийларнинг катта қисми XVIII асрда Ҳиндистонга кўчиб ўтдилар. 
Ҳозирги кунда зардўштийликка сиғинувчи халқлар фақат Ҳиндистон ва 
Эронда яшайдилар. Заратуштра ўз замонасида ҳам ва ундан кейин ҳам 
тарихий шахс бўлиб қолди. У яратган таълимот эса маълум муддат деярли 
бутун Шарққа ва Ўрта Осиѐга ѐйилиб, кўпчилик давлатлар динига айланди. 
Умуман олганда, Заратуштранинг диний-фалсафий ақидалари ва 
таълимоти уруғ қабилачилик ва яккахудоликка сиғинишни тарғиб қилади 
ҳамда унда адолат, меҳнат ва меҳнатсеварлик, ҳалоллик, яхшилик, ѐруғлик, 
олиҳимматлик, бағрикенглик ва эзгулик ҳақидаги олқишлар асосий ўринда 
туради. Айниқса, Заратуштранинг маънавий-ахлоқий таълимотида яхши фикр 
(гумата), яхши сўз (гугта) ва яхши иш (гворишта) га алоҳида эътибор 
қаратилади. Шунингдек Заратуштра таълимотида одамларнинг тенг ҳуқуқли 
бўлиб яшаши, бир-бирига яхши муносабатда бўлиш, бир-бирига ѐрдам бериш 
тарғиб қилинади ҳамда адолатсизлик, шафқатсизлик, зўравонлик ва табиатга 

---

125 
бемеҳрлик қаттиқ қораланади. Заратуштранинг асосий ғояларида дунѐдаги 
барча ишлар яхшилик ва ѐмонлик, ѐруғлик ва зулмат ўртасидаги курашларга 
боғлаб талқин қилинади. 
Авесто китобидан ўрин олган Ўрта Осиѐ ҳудудида яшаган қабилалар ва 
элатларнинг энг қадимги даврдан бошланган ижтимоий-иқтисодий ҳаѐти, 
диний ва дунѐвий мафкураси, дунѐни билиш ҳақидаги тушунчалари, урф-
одатлари, маънавий-маданий ривожланишига доир маълумотлар катта 
аҳамият касб этади. 
Зардўштийлик таълимотида Ахурамазда азалдан мавжуд бўлган ҳамда 
абадий илоҳ сифатида алоҳида ўринга қўйилади. Шу сабабдан ҳам Авестода 
барча эзгулик ва ѐруғлик Ахурамазда томонидан яратилганлиги 
таъкидланади. Унга қарама-қарши ўлароқ ѐвўзлик ва жаҳолат худоси 
Ахриман ўзининг барча ѐмон ниятларини амалга ошира бориб, Ахурамазда 
яратган моддий оламга маънавий зарар етказади ва жамиятга хос бўлмаган 
аҳлоқий бўзуқликларни келтириб чиқаради. Ахриманнинг бундай ѐвўз 
ниятларига қарши курашиш учун Ахурамазда яратган зардўштийлик 
ақидаларини қабул қилиш ҳамда унга итоат этиш таъкидланади. 
Заратуштранинг фикрича, энг эзгу ниятлар, умумбахш ва олижаноб 
фикрлар Ахурамазда тарафдорларининг қалбидан жой олиши лозим. Фақат 
шундагина одамларнинг ҳатти-ҳаракатида, одил жамият барпо этишдаги 
фаолиятида, табиатга ва бир-бириларига бўлган муносабатда ѐмонлик ва 
жоҳиллик бўлмайди. Шундан сўнг эзгу ниятли кишиларнинг ҳаракатлари 
Ахурамазданинг эзгу ниятлари билан қўшилиб, маънавий курашда ѐвўз ва 
зулмат кучлари устидан ғолиб келади. 
Заратуштра таълимотининг жамият ва инсоният тарққиѐтидаги энг муҳим 
ва диққатга молиқ бўлган томони шундаки, унда бутун табиатни – ер, сув, 
дарахт, ўсимлик ва жониворларни эъзозлаш, ерга ишлов бериб, суғориб, боғ-
роғлар ва экинзорлар барпо этиш, чорвачиликни кенг йўлга қўйиш, сув ва 
оловни муқаддас тутиш шарт бўлган. 
Шундай қилиб зардўштийлик таълимоти яхшилик ва эзгулик ғоялари 
билан суғорилган бўлиб, бу таълимот ѐвўзликка нисбатан нафрат туйғуларини 
уйғотади ҳамда кишиларни комиликка, яратувчанликка, эзгуликка ундайди.