Н. А. Самиғов, Ф. Д. Жўраева, Сайдуллаев А. Б

21.5-расм. Деворбоп асбоцемент панел 
Манзарали буюмлар.
Манзарали асбоцемент буюмлар манзарани ҳосил 
қилиш усулига кўра икки гуруҳга бўлинади. 

---

378 
ЎУМ 2020 йил “Қурилиш материаллари ва буюмлари” Н.А.Самиғов, Ф.Д.Жураева, Сайдуллаев А.Б. 
Биринчи гурухга қуйидаги асбоцемент листлар киради: релефли; бутун 
қалинлиги бўйича оқ ва рангли цементлар ишлатиб бўялган ёки юзаси 
бўялган; минерал ва синтетик бўёқлар ҳамда рангли сепма материаллар 
(рангли қум, шиша майдаси ва ш.к.) билан қопланган ва бошқалар. Листли 
буюмлар оддий релефли ва мураккаб релефли бўлиши мумкин. Улар балкон 
ва ложаларни тўсишда, павилионларни ўрашда, вестибюл ва зинапоя 
тўсиқларини қоплашда, сантехкабиналарда ва бошқа жойларда ишлатилади. 
Иккинчи гурухга қуйидаги манзарали асбоцемент листлар киради: 
ноорганик боғловчилар асосидаги композициялар билан бўялган; синтетик 
эмаллар ва бўёқлар билан бўялган; пленкали материаллар билан қопланган. 
Улар биноларнинг ташқи ва ички томондан манзарали қоплашда, балкон ва 
ложаларни тўсишда ва бошқа жойларда ишлатиш тавсия этилади. 
Погонажли асбоцемент буюмлар. 
Уларга узунасига ўлчовли буюмлар-
швеллерлар, дераза таги плиталари, тўкиш элементлари, парапет қисмлари ва 
бошқа экструзия усулида олинган буюмлар киради. Швеллерлар деворбоп 
плита ва панеллар каркасларини тайёрлашда ишлатилади. 
Қувурлар.
Асбоцемент асосида босимли ва босимсиз қувурлар ишлаб 
чиқарилади. Босимли қувурлар 0,6-1,8 МПа ишчи босимга мўлжалланган 
бўлиб, ВТ6, ВТ9, ВТ12, ВТ15, ва ВТ18 классларда бўлади. Улар сув узатиш 
тизимларида ишлатилади. Қувурлар узунлиги 3 м дан 6 м гача, диаметри 100-
500 мм бўлади. 
Босимсиз қувурлар (БНТ) нефт ва газ узатишда, канализация, дренаж, 
чиқиндиларни узатиш тизимларида, телефон кабелларини ётқизишда, тутун 
ва шамоллатиш каналларида ишлатилади. Асбоцемент газ узатиш қувурлари 
газ босими 0,5 МПа гача бўлган тизимда ишлатилиши мумкин. 
Газ узатиш қувурлари ички томондан полипропилен, полиэтилен каби 
термопластик ўрама материаллар ёки эпоксид, полиэфир полимерлари 
асосидаги композицион мастикалар билан газ ўтказмайдиган қопламали 
ҳолда ишлаб чиқарилиши мумкин. Сув узатиш ва канализация қувурлари 
асбоцемент муфталар билан бирлаштирилади. Баъзи ҳолларда чўян муфталар 

---

379