Оила кутубхонаси бахтли бола маънавияти

Фазилат куртаклари 
Ўрта гуруҳ тарбиячиси болаларда ўзаро ижобий муносабатлар, дўстлик, 
ўзаро ёрдам, ўйин-қоидаларини бажара олиш, қунтлилик, саботлилик 

---

76 
хислатларини таркиб топтириб, уларда тенгқурлар гуруҳи билан ўйнай олиш, 
умумий ўйинда иштирок эта билиш фазилатларини тарбиялаши керак. 
Ўрта гуруҳда тарбиячи маънавий-ахлоқий малакаларни тарбиялашни 
давом эттиради, болаларни хушмуомала бўлишга, саломлашиш ва 
хайрлашишга, катталарга исмларини айтиб мурожаат этишга, катталарнинг 
гапига аралашмасликка, гапираётган одамнинг сўзини бўлмасликка, 
катталарга кўмаклашишга, катталар ҳамда тенгқурлар билан муомала қила 
олишга, саволларга хушмуомалалик билан жавоб беришга, осойишталик 
талаб этиладиган жойларда (уйқу хонасида, машғулот вақтида) қоидага риоя 
қилишга ўргатади. 
Болаларга дастурхон атрофида ўтирганда овқатни кам-камдан олишни, 
яхшилаб чайнашни, туриб кетаётганда эса “Раҳмат!”, деб миннатдорчилик 
билдириш ва стулни секингина суриб қўйишни ўрга- тиш лозим. 
Ўрта гуруҳ болаларида ватанпарварлик ҳис-туйғулари тарбиялана 
бошланади. Машғулотларда, болаларни теварак-атроф билан таништириш 
экскурсияларида, сайрларда, бадиий адабиёт воситасида жонажон ерларга 
(шаҳар, қишлоқ, маҳалла) нисбатан меҳр-муҳаббат тарбияланади, ҳарбий 
ватанпарварликка қизиқиш, Ўзбекистон Республикаси Президентига садоқат, 
ҳурмат ва эъзоз туйғулари мустаҳкамланади. 
Катта ватанпарварлик кичик
жойлардан, яъни ўзинг яшаётган
жойга муҳаббатдан бошланади. 
Л. Леонов 
Болалар фаолиятининг ҳамма турларида болаларда кузатувчанлик ва 
билишга қизиқишни тарбиялашга оид ишлар давом эттирилади, бадиий 
адабиётнинг турли хилларига қизиқиш тарбияланади, эстетик ҳис-туйғулар, 
гўзалликни идрок этиш ривож топтирилади. 

---

77