Оила кутубхонаси бахтли бола маънавияти

Мана бу усулларини қўлланг: 
Айбламоқ 
- болани қилган гуноҳи, хатоси учун адолатли равишда 
айбли деб топмоқ, айб қўймоқ ва боланинг буни англашига 
эришмоқ.
Аразламоқ 
- қилган салбий қилиғи учун болани айбситиб, ундан 
ўпка қилиб юрмоқ ёки тарбиявий мақсадда вақтинча юз ўгирмоқ.
Баҳоламоқ 
- бола хулқига унинг аҳамияти, қадр, қиймати ҳақида 
ижобий ёки салбий фикр билдирмоқ,
Баҳслашмоқ 
- ўқувчи билан(мактабда), ўғил-қиз(фарзанд) билан 
мактабда, уйда илмий, адабий, аҳлоқий, миллий-мафкуравий 
мазмунда мунозара қилмоқ.
Бегона қилмоқ 
- боланинг ёлғон гапирганлиги аниқлангач, 
қўполлиги муҳокама қилингач ва ҳ.к. ундаги виждонни жунбушга 
келтириш, қилган иши учун пушаймон қилиши учун ўқитувчи, ёки 
ота-она, ёки она уни ўзидан вақтинча узоқ тутиб юриши
. 
Бириктирмоқ 
- одоб-аҳлоқда, бирор ҳунарда кўпчиликка намуна 
бўлган устоз тарбиясига бермоқ. Ўтмишда қўшни кўрган ота-
оналар фарзандларининг ҳаётини, одамлар, бегоналар билан 
муомала қилишни ўргансинлар деб ўғилларини чойхоначига 
хизматкорликка берган эканлар.

---

64 
Битим 
– боланинг ҳаётига, ўқишига, келажагига оид жиддий 
масалани унинг ўзи билан муҳокама қилиб, ўзаро ижобий 
келишув, тўхтам, қарорга келмоқ.
Буюрмоқ
- вазиятнинг тақозоси билан тарбиявий мақсаддан келиб 
чиққан ҳолда боланинг ўзи учун, жамоа, миллат, Ватан 
манфаатларини кўзлаб буйруқ бермоқ.
Ваъда олмоқ 
- боланинг ўз сўзига содиқлигини, сўзи ва иши 
бирлигини синаш мақсадида ундан бирор ишнинг, мажбуриятнинг 
бажарилиши ҳақида сўз олмоқ.
Гиргиттон бўлмоқ
- меҳрибонлик билан, “айланай”, “ўргилай” 
сўзларини ишлатиб, исмига “жон”, “хон” қўшиб болани эркалаш.
Ёрилмоқ
- боланинг сиздан ноўрин хафалигини билгач, танҳо 
қолдириб, асл мақсадингиз – унинг муваффақияти эканлигини 
айтишингиз. Хайрихоҳлик, самимийлик бу усулга муваффақият 
келтиради.