Зиѐвуддин Раҳим, Одилхон қори Юнусхон ўғли

“Раббим! Менга даргоҳингдан яқин дўст 
(фарзанд)
 бер” 
(“Марям” сураси, 5-оят). 
Бу ерда Закариѐ алайҳиссалом томонидан қилинган дуонинг бошқа шакли келтирилмоқда. 
Закариѐ алайҳиссалом аѐли бепушт эди. Аллоҳ уларга “Яҳѐ” исмли фарзанд хушхабарини берганида 
Закариѐ бундан ажабланди, “Аѐлим туғмас кампир, ѐшим бир жойга бориб қолган одам бўлсам, қандай 
қилиб фарзанд бўлади!?” деган маънода мурожаат қилди. Аллоҳ бунга жавобан У Зот хоҳлаган ишини 
қилиши, инсонни йўқдан бор қилгани, бу иш Аллоҳга осонлигини билдирди. 
* * * * * 
Қуръони каримда Нуҳ алайҳиссалом тилидан шундай дейилган: 
"--------------------------- Арабий матн --------------------------" 
“Ва мен: “Парвардигорингиздан мағфират сўранглар. Албатта У ўта Мағфиратли Зотдир. 
(Шунда)
У устларингизга осмондан ѐмғир қуйдиради, сизларга мол-дунѐ, бола-чақа билан мадад 
беради, сизларга боғу бўстонлар 
(ато)
қилади, оқар дарѐлар 
(ато)
қилади”, дедим”
(“Нуҳ” сураси, 10-
12-оятлар).
Нуҳ алайҳиссалом қавмига: 
– Эй қавмим, сизлар гуноҳларингиз кечирилиши учун Аллоҳга истиғфор айтинглар. У Зотга тавба 
қилинглар. Шунда Парвардигорингиз устингизга баракали ѐмғир ѐғдиради, мол-давлатингизни, 
фарзандларингизни кўпайтиради, турли мевалар берувчи боғ-бўстонлар, оқар дарѐлар пайдо қилади, – деди. 
Айтилишича, саркаш қавм узоқ йиллар давомида даъватларни инкор этиб, юборилган 
пайғамбарларни ѐлғонга чиқаргач, Аллоҳ таоло Нуҳ алайҳиссалом қавмига қурғоқчилик юборади, 
аѐлларини туғмас қилиб қўяди. Шундан сўнг, имон келтирсалар, уларга яна фаровон ҳаѐт берилиши, 
бошларига тушган оғир кунлар аритилиши билдирилади. 
www.ziyouz.com kutubxonasi

---

94 
Ривоят қилинишича, бир киши Ҳасан Басрий раҳматуллоҳи алайҳ олдига қурғоқчиликдан шикоят 
қилиб келганида, у зот: “Истиғфор айт!” деб маслаҳат берди. Бошқа одам келиб камбағалликдан, яна бири 
фарзандлари камлигидан, тўртинчиси ери унумдорлиги пастлигидан шикоят қилди. Ҳасан Басрий уларнинг 
барчасини кўп истиғфор айтишга буюрди. Шунда Рабийъ ибн Субайҳ: “Олдингизга қанча одам келиб, ҳар 
хил масалада шикоят қилган бўлса-да, уларнинг ҳаммасини истиғфор айтишга буюрдингиз. Бунинг боиси 
нима?” деб сўради. Шунда Ҳасан Басрий саволга жавобан юқоридаги оятни ўқиб берган экан (“Тафсирул 
Қуртубий”, “Тафсирун Насафий”). 
Энди эътиборингизни Иброҳим алайҳиссаломга фарзанд берилиши ҳақидаги ибратли қиссага 
қаратамиз. Аллоҳ таоло айтади: 
"--------------------------- Арабий матн --------------------------"