‘zbekist0n respublikasi oliy va ‘rta maxsus ta’lim vazirligi

hajmidan qat’i nazar to‘la miqdorda belgilanadi. Xuddi shu ma’noda
olganda to‘liq a’zolar javobgarligi cheklanmaydi. Agarda shirkat mol-
mulki yetarli bo‘lmasa, u holda to‘liq a’zolarning shaxsiy (xususiy)
mol-mulklariga ham shirkat majburiyatlari bo‘yicha javobgarlik qara-
tiladi. Xuddi shu sababli ham ularni to‘liq ishtirokchilar deb aytish
ularning huquqiy maqomiga mos keladi. Ularning javobgarligi solidar
hisoblanadi, ya’ni, bir ishtirokchi hamma ishtirokchi uchun va hamma
ishtirokchi bir ishtirokchi uchun javob beradi. Kreditorlar ularning
har biriga talab qo‘yishlari mumkin.
To‘liq ishtirokchilarning kuchaytirilgan javobgarligi kommandit
shirkat mol-mulkigagina hissa qo‘shadigan boshqa ishtirokchilar ishon-
chini o ‘ziga xos ravishda kafolatlaydi.
Shirkatga faqat mol-mulk bilan ulush qo‘shuvchi a’zo kommandit
a’zo, hissa qo‘shuvchi a’zo deb ataladi. Kommandit a’zolar shirkat
majburiyatlari bo‘yicha faqat shirkat ustav kapitaliga qo‘shgan ulushiari
hajmidajavob beradilar. Hissa qo‘shuvchilar uchun bunday cheklangan
javobgarlikni belgilanishi kommandit shirkatning potensial ishtirokchilari
doirasini kengaytiradi. Shunga qaramasdan, baribir kommandit shirkat
a’zolari unchalik ko‘p bo‘lmaydi. T.Kashaninaning ko‘rsatishicha,
kommandit shirkat quyidagi hollarda to‘liq shirkat negizida vujudga
keladi:
a) to‘liq shirkatga yangi mablag‘lar jalb etishga zarurat tug‘ilib,
biroq to‘liq ishtirokchi bo‘lishni hech kim xohlamagan taqdirda;
b) toiiq shirkat a’zolaridan birortasi vafot etganda, muomalaga
layoqatsiz deb topilganda, u holda uning merosxo‘rlari yoki vasiylari
shirkatning to‘liq a’zosi bo‘lishni xohlamasdan kommandit a’zo bo‘lib
qolishlari mumkin.1