‘zbekist0n respublikasi oliy va ‘rta maxsus ta’lim vazirligi

o ‘z kuch-g‘ayratlarini, sa’y-harakatlarini birlashtirishda ham namoyon
bo‘ladi. Boshqacha aytganda, shirkat ishtirokchilari o ‘z sa’y-
harakatlarini birlashtirishlari ularning shirkat faoliyatida shaxsan ishtirok
etishlarida ko‘rinadi. Shirkat ishtirokchilarining shaxsan ishtiroki
quyidagi ko‘rinishlarda amalga oshirilishi mumkin:
— tovarlar ishlab chiqarish, ish bajarish va xizmat ko‘rsatishda
shaxsan qatnashuv;
— shirkatning tashkiliy, boshqaruv va ijro faoliyatida ishtirok etish
(masalan, rahbarlik qilish, ish qog‘ozlarini yuritish, faoliyatni tashkil
etishda boshqacha qatnashish);
— shirkat nomidan boshqa subyektlar, idoralar, tashkilotlar bilan
bo‘lgan munosabatlarda vakillik qilish;
— shirkat faoliyatini tashkil etish va amalga oshirishda intellektual
mehnati, salohiyati bilan ishtirok etishi (biznes-rejalar ishlab chiqish,
nou-xaulartayyorlash, ilmiy-texnik, texnologik, ilmiy-axborot hujjatlari
ishlab chiqish va hokazolar). Albatta, ishtirokchilarning bunday ishtiroki
har xil bo‘lishi mumkin (kimdir katta va doimiy hajmlarda, boshqa
birov nisbatan kichikroq hajmlarda va ahyon-ahyonda). Biroq har bir
ishtirokchi shirkat faoliyatini amalga oshirishda albatta shaxsan ishtirok
etishi shart, aks holda, «Xo‘jalik shirkatlari to‘g‘risidagi qonun»ning
3-moddasi 1-qismidagi shirkat muassislari (ishtirokchilari) yoki ularning
ayrimlarini shirkat faoliyatida shaxsan ishtiroki to‘g ‘risidagi talab
buzilgan bo‘lib hisoblanadi.
Beshinchidan, shirkatning maqsadi (uning ishtirokchilarining maq-
sadi ham) ishtirokchilar birgalikdagi faoliyatidan foyda (daromad)
olish hisoblanadi. Shirkat ishtirokchilarining birgalikdagi faoliyati
xarakteri uning foyda olish maqsadini ko‘zlashida namoyon bo‘ladi.