Davom ettirish chora-tadbirlari haqida

Texnik jihatdan tartibga solish sohasidagi normativ hujjatlarning Davlat 
fondini shakllantirish va yuritish tartibi to‘g‘risida
NIZOM
I. Umumiy qoidalar 

---

Ushbu Nizom texnik jihatdan tartibga solish sohasidagi normativ hujjatlarning 
Davlat fondini shakllantirish va yuritish tartibi bo‘yicha ishlarni tashkil etish va amalga 
oshirishga qo‘yiladigan asosiy talablarni belgilaydi. 
1. Texnik jihatdan tartibga solish sohasidagi normativ hujjatlarning Davlat 
fondi (keyingi o‘rinlarda Davlat fondi deb yuritiladi) qog‘ozdagi va elektron shakldagi, 
zamonaviy axborot texnologiyalari asosidagi ma’lumotnoma-izlash apparati bilan 
birgalikda normativ hujjatlarning tizimlashtirilgan fondidan iborat bo‘ladi. 
2. Davlat fondi: 
a) yuridik va jismoniy shaxslarga texnik jihatdan tartibga solish sohasidagi 
normativ hujjatlar to‘g‘risida to‘liq, ishonchli va o‘z vaqtida axborot berish; 
b) texnik jihatdan tartibga solish sohasida fan va texnikaning zamonaviy 
yutuqlaridan foydalanishga ko‘maklashish; 
v) texnik jihatdan tartibga solish sohasidagi normativ hujjatlar to‘g‘risidagi 
axborotlarning oshkoraligini ta’minlash maqsadida tashkil etiladi. 
3. Davlat fondi O‘zbekiston standartlashtirish, metrologiya va 
sertifikatlashtirish agentligi, shuningdek texnik jihatdan tartibga solish sohasidagi 
boshqa vakolatli davlat organlari tomonidan ularning vakolatlari doirasida 
shakllantiriladi va yuritiladi. 
4. O‘zbekiston standartlashtirish, metrologiya va sertifikatlashtirish agentligi: 
a) Davlat fondi shakllantirilishi, uning saqlanishi, tizimlashtirilishi, hisobga 
olinishi va dolzarbligi tashkil etilishini; 
b) yuridik va jismoniy shaxslarga texnik jihatdan tartibga solish sohasidagi 
normativ hujjatlar to‘g‘risida to‘liq, ishonchli va o‘z vaqtida axborot berilishini 
ta’minlaydi. 
5. Texnik jihatdan tartibga solish sohasidagi davlat vakolatli organlari: 
a) ushbu Nizomning 
6-bandida
ko‘rsatilgan texnik jihatdan tartibga solish 
sohasida, faoliyatning biriktirilgan yo‘nalishlari bo‘yicha axborot resurslari 
shakllantirilishi, ularning saqlanishi, tizimlashtirilishi, hisobga olinishi va dolzarbligi 
tashkil etilishini; 
b) yuridik va jismoniy shaxslarga ularning faoliyat yo‘nalishlari bo‘yicha 
texnik jihatdan tartibga solish sohasidagi normativ hujjatlar to‘g‘risida to‘liq, ishonchli 
va o‘z vaqtida axborot berilishini; 
v) yuridik va jismoniy shaxslarga ularning faoliyat yo‘nalishlari bo‘yicha 
texnik jihatdan tartibga solish sohasidagi normativ hujjatlar qoidalari tushuntirilishini 
ta’minlaydi.