Muvaffaqiyat Omad va muvaffaqiyat sirlari Dunyoning eng buyuk savdogari og mandino

Men bugungi kunimni xuddi hayotimning so'nggi 
kunidek yashab o'taman. 
Bugungi kun bu menda bo'lgan hamma narsa, bu soatlar esa 
men uchun mangulikdir. Men tongni katta quvonch bilan kutib 
olaman, xuddi o'limi kechiktirilgan maxbusga o'xshab. Men 
bugungi kunni xuddi hayotimdagi eng qimmatbaho sovg'a deb 
qabul qilaman. 
Kechagi tongni kutib olgan ammo, bugun oramizda yo'q 
insonlarni men yuragimda iliqlik bilan eslayman. Men -
omadliman va bugungi kunning soatlari men uchun taqdirning 
bebaho marhamati. Nima uchun menga yana bir kun yashashga 
ruxsat berildi, axir mendan o'n chandon yaxshi odamlar bugun 
yo'q-ku! Balki ular kerakli maqsadlarga erishdilar, men esa hali 
bu ishni qilishga ulgurganim yo'q! Aynan bugungi kun shu 
maqsadlarimga erishish uchun menga berilgan imkoiyatdir 
balki?
Men bugungi kunimni xuddi hayotimning so'nggi 
kunidek yashab o'taman. 
Menga hayot faqat bir marta berilgan va bu hayot vaqtning 
kichkina bir qismidir. Vaqtni behuda sarf qilib men juda ko'p 
narsalarni yo'qotayapman. Bugungi kunni behuda sarf qilib men 
balki hayotimning so'nggi kunini yo'qotayotgandirman. Shuning 

---

56 
uchun men bugungi kunning har bir soatini avaylashim kerak. 
Chunki bu soat hech qachon qaytib kelmaydi. Uni erta uchun 
asrab bo'lmaydi. Huddi shamolni egarlab bo'lmagani kabi. 
Bugungi kunning har birdaqiqasini men kaftlarim orasiga olib 
erkalayman, chunki u bebaho. Hayot bilan vidolashayothan 
odam, yana bir nafasni sotib ola oladimi? Bu nafas uchun 
dunyodagi barcha oltinlarni bergan taqdirda ham. Men har bir 
daqiqani qanchaga baholayman? Men ularni bebaho qilaman.
Men bugungi kunimni xuddi hayotimning so'nggi 
kunidek yashab o'taman. 
Vaqtni behudaga o'ldiruvchi odamlardan men qochib yuraman. 
Bamaylihotirlikni men harakat bilan yo'q qilaman. ishonchsizlikni 
men ishonch bilan yengaman. Qo'rquvni men aniqlik bilan daf 
qilaman. Safsatabozlarga men quloq solmayman. Dangasalar 
bo'lgan joyda men ushlanib qolmayman. Yallo qilib 
yashayotganlar oldiga men yaqin ham kelmayman. Yallo qilib 
yashash bu- yaxshi ko'rgan odamlaringdan mehringni, ovqatni, 
kiyimni o'g'irlashdir.