1 modul. GİMnastikanin’ rawajlaniw tariyxi joba Gimnastikanın’ payda bolıwı h’a’m rawajlanıwı Milliy gimnastika sistemaları

Shınıg’ıwdın’  terminologiyası  u’yreniw  protsessinde  u’lken  rol  oynaydı. 

Terminler  shınıg’ıwdın’  texnikasın  tolıq  tu’sindirgennen  ko’re  qısqa  boladı.  Sol 

sebepli  shug’ıllanıwshı  shınıg’ıwdın’  terminologiyasın  jaqsı  bilse  oqıtıwshı  h’a’r 

qa’nday tu’sindiriwlerge az waqıt sarıplaydı. Termin qansha jaqsı bolsa oqıwshının’ 

sanasında u’yrenilip atırg’an h’a’reketko’rnisi tez qa’liplesedi. 

Ko’rgizbeli  qurallardı  u’yreniw.  Ha’reket  ko’rnisin  qa’liplestiriwde 

ko’rgizbeli  qurallarda  za’ru’r.  Ha’r  qıylı  shınıg’ıwlardın’  texnikası  sızılg’an 

plakatlar, kinofilmler, video ko’rnisler ko’rsetilse shınıg’ıw xaqqında tu’sinik h’a’m 

h’a’reket ko’rnisi tez qaliplesedi. 

Shınıg’ıwdın’  orınlanıw    texnikasın  ko’rsetip  beriw.  Oqıtıwshı  ta’repinen 

shınıg’ıwdı  ko’rsetip  beriw  shınıg’ıwdın’  ko’rnisin  qa’liplestiriwde  u’lken 

a’h’miyetke  iye.  Eger  oqıtıwshı  u’yrenilip  atırg’an  shınıg’ıwdı  o’zinin’ 

mu’mkinshiligine ko’re ko’rsete almasa onda basqa pedagogikalıq a’meldi qollanıp 

usı  shınıg’ıwdı  qanaatlandırarlı  da’rejede  orınlayalatug’ın  oqıwshıdan  paydalansa 

boladı.  Shınıg’ıwdı  ko’rsetiw  waqtında  oqıtıwshı  shug’ıllanıwshılardın’  dıqqatın 

shınıg’ıwdın’  qıyın  h’a’m  ko’pshilik  oqıwshı  jiberiwi  mu’mkin  bolg’an  qa’te-

kemshiliklerge qaratıw kerek.