Гистология цитология ва эмбриология проф. Қ. Р. Тўхтаев таҳрири остида

Мембраналараро бўшлиқда
митохондриал матриксдан ажралиб чиқувчи 
водород ионлари тўпланади, бу эса ички митохондриал мембрананинг иккала 
юзасида протонлар градиентини ҳосил қилади. Протонлар оқими АТФ 
синтези жараѐнида муҳим ўрин тутади. 
 
Ички митохондриал мембрана
ташқисидан фарқли ўлароқ, текис бўлмай, ичкарига ботиб кирувчи бурмалар 
(криста)ларни ҳосил қилади. Кристалар ҳисобига митохондриянинг ички 
юзаси анча катталашади. Ҳар хил типдаги ҳужайраларда кристалар сони 
турлича. Буйрак ҳужайраларида, скелет ва юрак мушагида кристалар сони 
кўп ва зич жойлашган. Жигар ҳужайраларида, сперматидларда эса камроқ ва 
сийрак. Бир типдаги ҳужайраларда ҳам митохондрия кристаларининг сони 
ҳар хил бўлиши мумкин. Баъзи бир ҳолатларда (скелет мушаги 
митохондриялари, нейрон ўсимталарида ва баъзи бир организмларнинг 
сперматидларида) кристалар митохондрия ўқига кўндаланг эмас, балки ўқ 
бўйича жойлашиши мумкин. Аксарият кўпчилик ҳужайраларда кристалар 
ясси, пластинкасимон тузилишга эга. Шу билан бирган баъзи аъзоларда, 
асосан стероид гормонлар ишлаб чиқарувчи (буйрак усти бези ва уруғдон 
интерстициал) ҳужайраларида ички мембраналар найсимон кристаларга эга. 
Митохондриялар ички мембранасида, асосан кристалар юзасида, глобуляр 
структуралар жойлашган. Бу тузилмалар катталиги 6-10 нм бўлган думалоқ 
заррачадан ва уни криста билан туташтирувчи оѐқчадан (узунлиги 3-5 нм) 
иборат. Глобуляр структуралар АТФ синтетазаси фаол бўлган оқсил 
тузилмалардир. Айнан шу тузилмаларда, кимѐ-осмотик назария бўйича, 
протонлар оқими таъсирида оксидланиш фосфорилланиш ферментлари
аденозиндифосфатни (АДФ) фосфориллаб, АТФ га айлантиради. Шунинг 
учун глобуляр тузилмалар АТФ-синтези тизимининг марказий бўғини 
ҳисобланади. Ички митохондриал мембрана танлаб ўтқазиш хусусиятига эга. 
У ўзида турли хил моддаларни (АДФ, АТФ, фосфор бирикмалари, пируват, 
сукцинат, цитрат, гуанидинтрифосфат, цитидинтрифосфат ва бошқалар) ҳар 
икки йўналишда ташувчи транспорт тизимларини мужассамлаштирган. 
Бундан ташқари ички мембранада оксидланиш фосфорилланиш ферментлари 
ва сукцинатдегидрогеназа (СДГ) билан боғлиқ бўлган электронлар 
транспорти занжирлари жойлашган.

---

Расм 
2.5. 
Митохондриялар 
ва 
уларнинг тузилиши. 
А-Б-кристалари 
пластинкасимон 
митохондриялар 
А-схема, Б-Трансмиссион ЭМ 
В-В-кристалари 
найсимон 
митохондриялар 
В-схема, Г- Трансмиссион ЭМ 
1. ташқи мембрана 
2. мембраналар орасидаги бўшлиқ 
3. ички мембрана 
4. кристалари 
5. матрикс 
Ички мембраналар орасидаги бўшлиқ майда донадор моддалар билан 
тўлган бўлиб,