Гистология цитология ва эмбриология проф. Қ. Р. Тўхтаев таҳрири остида

Гипоталамо-аденогипофизар қон айланиши тизими ва унинг 
аҳамияти
. Гипоталамо-аденогипофизар қон айланиши тизими портал 
(дарвоза) тизим ҳам деб номланади. Олиб келувчи гипофизар артериялар 
медиобазал гипоталамуснинг медиал дўмбоқчаси соҳасига кириб, капиллярлар 
тўри (портал тизимнинг бирламчи капилляр чигали)га тармоқланади. Мазкур 
капиллярлар гипоталамуснинг аденогипофизотроп соҳасида жойлашган
нейросекретор ҳужайралар аксонларининг охирлари билан боғланувчи 
коптокчаларни ҳосил қилади. Бирламчи капиллярлар тўри гипофизар оѐқча 
бўйлаб гипофизнинг олдинги бўлагига ўтади ва бу ерда без паренхимаси 
трабекулалари орасида тармоқланувчи синусоид турдаги капиллярлар 
(иккиламчи капиллярлар тўри)га ажралади. Иккиламчи синусоид капилляр 
олиб чиқувчи веналарга қуйилади ва улар орқали гипофизнинг олдинги бўлаги 
гормонларига бойиган қон умумий циркуляцияга қуйилади.
Гипофизнинг орқа бўлаги ѐки нейрогипофиз.
Нейрогипофиз орқа бўлак 
(pars nervosa) ва нейрал оѐқчадан ташкил топган. Орқа бўлак 
аденогипофиздан фарқли ўлароқ, секретор ҳужайралар тутмайди. У 
супраоптик 
ва 
паравентрикуляр 
ядроларда 
жойлашган 
секретор 
нейронларнинг тахминан 100 000 га яқин аксонларидан ташкил топган. 
Секретор нейронлар типик нейронлар учун хос барча хусусиятларга (таъсир 

---

потенциалини ўтказиш билан бирга) эга, шу билан бирга уларда нейросекрет 
ишлаб чиқарилади. Гипоталамуснинг олдинги бўлаги ядроларида жойлашган 
нейросекретор ҳужайраларнинг аксонлари гипофизнинг орқа бўлагида 
кенгайиб, Херринг таначалари (нейросекретор таначалар) деб номланувчи 
тузилмаларни ҳосил қилади. Электрон микроскоп остида Херринг 
таначалари мембрана билан ўралган диаметри 100-200 нм ли секретор 
гранулалар тутиши аниқланади. Мазкур гранулалар гипоталамуснинг 
олдинги бўлагида жойлашган нейресекретор ҳужайраларнинг маҳсулоти 
(АДГ ѐки вазопрессин ва окситоцин гормонлари)ни сақлайди. Херринг 
таначалари синусоид капиллярлар билан аксо-вазал синапсларни ҳосил 
қилади (расм 10.4) ва мазкур синапслар орқали юқорида қайд этилган 
гормонлар қон оқими билан организмга тарқалади. 
Расм 
10.4. 
Гипоталамус 
нейросекретор ҳужайраси аксони 
охирининг 
гипофизни 
орқа 
бўлагидаги гемокапилляр билан 
бирикиши: 
1-нейрофиламентлар 
2-митохондрия 
3-нейроекретор доначалар 
4-цитоплазма 
5-базал мембрана 
6-капилляр деворининг эндотелий 
ҳужайраси 
Нейрогипофиз асосан гипоталамик нейронларнинг аксонларидан 
иборат бўлсада, унинг хажмини тахминан 25% махсус турдаги кучли 
шохланган глиал ҳужайралар ташкил қилади. Питуицитлар деб аталувчи 
мазкур ҳужайралар ўсимтали нотўғри ѐки дуксимон шаклга эга. 
Уларнинг кўп сонли нозик ўсимталари қон томирларининг адвентацияси 
ѐки капиллярларнинг базал мембранасида тугайди.