Adliya vazirligi qoshidagi "adolat" milliy huquqiy axborot markazi

18 YOSHGA TO‘LMAGANLAR UCHUN 
HAM O‘QIB, HAM ISHLASHIDA QANDAY 
QULAYLIKLAR BOR?
Davlat 18 yoshga to‘lmagan ishlovchi bolalarga ishni ta’lim 
bilan qo‘shib olib borishi uchun zarur sharoitlarni yaratib berish va 
qonun hujjatlarida nazarda tutilgan boshqa choralarni ko‘rish orqali 
bolaning mehnat qilish huquqi ta’minlanishini kafolatlaydi.
Belgilangan minimal ish joylari hisobidan ish joylariga ishga 
joylashtirish tartibida mahalliy mehnat organi va boshqa organlar 
tomonidan yuborilgan, o‘n sakkiz yoshga to‘lmagan shaxslarni ish 
beruvchi ishga qabul qilishi shart.

---

12
Belgilangan minimal ish joylari hisobidan ishga qabul qilishni 
rad etish taqiqlanadi va bunday rad etish ustidan sudga shikoyat 
qilish mumkin.
Bolalar dastlabki tibbiy ko‘rikdan o‘tgandan keyingina ishga 
qabul qilinadilar va keyinchalik ular o‘n sakkiz yoshga to‘lgunlariga 
qadar har yili majburiy tarzda tibbiy ko‘rikdan o‘tkazib turilishi 
kerak.
Bolalar mehnatidan shu toifa xodimlarining sog‘lig‘i, xavfsizligi 
yoki axloq-odobiga ziyon yetkazishi mumkin bo‘lgan mehnat sharoiti 
noqulay ishlarda, yer osti ishlarida va boshqa ishlarda foydalanish 
taqiqlanadi.
Bolalarning belgilab qo‘yilgan normadan ortiq og‘ir yuk 
ko‘tarishlari va tashishlariga yo‘l qo‘yilmaydi.
Ish vaqtining muddati o‘n oltidan o‘n sakkiz yoshgacha 
bo‘lgan xodimlarga haftasiga o‘ttiz olti soatdan, o‘n beshdan o‘n 
olti yoshgacha bo‘lgan shaxslar uchun esa haftasiga yigirma to‘rt 
soatdan oshmaydigan qilib belgilanadi.

---

13
IV. BOLANING 
SOG‘LIG‘INI SAQLASH 
HUQUQI
Har bir bola sog‘lig‘ini saqlash huquqiga ega.
Davlat sog‘lom bola tug‘ilishini ta’minlash uchun onaga uning 
sog‘lig‘ini saqlash sharoitlarini yaratadi.
Bolalar qonun hujjatlariga muvofiq hajmda bepul tibbiy 
yordamdan foydalanishi mumkin.