Сценарийлар тўплами 2 Кириш

Давра суҳбати 
Ушбу тадбирни ўтказиш учун тайёргарлик ишлари 1-1,5 ой олдин 
бошланади. Аввало АРМда эълон ва таклифнома ёзилади. Қуйида уларнинг 
намунавий шаклини келтирамиз. 
Эълон! 
Ҳурматли фойдаланувчи! Сизларни 2013 йил _______ куни соат ________ 
да Ахборот-кутубхона марказимизда “Меҳмондорчилик одоби ва муомила 
маданияти” мавзусида ўтказиладиган давра суҳбатига таклиф этамиз. 
АКМ маъмурияти 
Таклиф этилган меҳмонларга таклифномалар юборилади. Давра суҳбати 
учун жой танланади ва безатилади. Мавзуга оид адабиётлар кўргазмаси 
ташкил этилади. Тадбирга олимлар, оммавий ахборот воситалари вакиллари, 
жамоат ташкилотлри ва бошқа манфаатдор ташкилотлардан меҳмонлар, 
вакиллари таклиф этилади. 
Давра суҳбатини бошловчи кириш сўзи билан очади ва ташриф буюрган 
мутахассислар билан таништиради. Сўз учун уларнинг бирига навбат беради. 
Мутахассиснинг чиқиши якунлангач, бошловчи китобхонларнинг маъруза 
юзасидан нотиққа саволлари бор йўқлиги билан қизиқади, саволларбўлса 
мутахассиснинг жавоби тинганади. Шу тарзда барча таклиф этилган 
мутахассислар тингланади. Давра суҳбати сўнгида бошловчи тадбирни 
якуний сўз билан тугатади. 
Бобур номидаги вилоят ахборот –кутубхона маркази “Оилавий ўқишга ёрдам 
”. кафедраси қошидаги 
“Кутубхона –иккинчи оилам”
клубининг 
“Меҳмондорчилик одоби ”
мавзусидаги давра суҳбати 
С Ц Е Н А Р И Й С И 
Ўтказилиш жойи:____________________________________________ 
Ўтказилиш вақти:___________________________________________ 
Қатнашувчилар:_____________________________________________ 
Ҳамкор ташкилотлар:________________________________________ 

---

7 
Сўритокларда узум, новдаси қулоч-қулоч, 
Айвонида ҳар баҳор бола очар қалдирғоч. 
Салом бериб кирса ким, тўйиб чиқар бўлса оч, 
Билолмадим, Фарангу Африқода қанақа, 
Дунё ҳайрон бўлса ҳам, ўзбекларда шунақа. 
Яшаб юриши мумкин, қўл-оёғу бармоқсиз, 
Аммо яшай олмайди эл-юрт, уруғ-аймоқсиз. 
Кузатишмас меҳмонни новвот, майиз, қаймоқсиз, 
Билолмадим, Фарангу Африқода қанақа, 
Дунё ҳайрон бўлса ҳам, ўзбекларда шунақа. 
Тўй қилиб, эл-юртига едириб мазза қилар, 
Қудаларига чопон кийдириб мазза қилар. 
Бу маззани лондонлик бой ота қайдан билар, 
Билолмадим, Фарангу Африқода қанақа, 
Дунё ҳайрон бўлса ҳам, ўзбекларда шунақа.