O'quv qo'llanma. 3Ds max

Cap Start (Boshlang‘ich asosi) va Cap End (Oxirgi asosi) — belgilari uch 
o‘lchovli ob’yektlarning yon tomonlarida sirtlarni qurish yoki qurmaslikni 
belgilaydi. 
8.9 rasmda yon tomonlari yopiq va ochiq ob’yektlar ko‘rsatilgan;
•
Morph (Morf) — agar yon tomonlardagi yuzalar morf usulida qayta 
shakllanishi talab qilinsa, o‘chirib-yoqqich o‘rnatiladi;
•
Grid (To‘r) — bu o‘chirib-yoqqich o‘rnatilganda yon tomondagi yuzalar 
bir xil kataklardan iborat bo‘lgan to‘r shakliga aylanadi, bu esa o‘z navbatida 
turli modifikatorlarni qo‘llash imkonini beradi. 
8.9 rasm. Cho‘qqilar raqami tartibini o‘zgartirish yordamida qurilgan ob’yekt. 
3. Ob’yekt qobig‘ini yaratish murakkabligi darajasini aniqlovchi Options 
(Parametrlar) guruhida parametrlarni moslang: 
Shape Steps (Shakl qadamlari) — hisoblagichi, kesim shaklning qo‘shni 
cho‘qqilari oralig‘idagi qadamlar sonini boshqaradi. Shaklning qadamlari 
qanchalik katta bo‘lsa, kesim shakli parametri bo‘yicha ob’yekt qobig‘i 
shunchalik silliq bo‘ladi; 
Path Steps (Yo‘ldagi qadamlar) — hisoblagichi, yo‘l chizig‘i cho‘qqilari 
oralig‘idagi qadamlar sonini boshqaradi. Tayanch kesim har bir segment 
chizig‘ining oxiriga joylashadi, bu parametrning oshishi yo‘l chizig’i bo‘yicha 
silliqroq qobiqlarni yaratish imkonini beradi; 
Optimize Shapes (Optimal shakllar) — bu belgi ob’yekt qobiqini qurishdan 
oldin segment chiziqlaridagi kesim shakli qadamlari sonini kamaytiradi, shu 
bilan uning murrakabligini kamaytiradi; 

---

123 
Adaptive Path Steps (Yo‘lni moslash qadami) — bu belgi yana ham 
yaxshiroq ob’yekt qobig‘i yaratish uchun yo‘l nuqtalari oralig‘iga qo‘shimcha 
qadamlarni qo‘shadi. Qadamlar egilish chizig‘ini boshqarish nuqtalari bor joyga 
qo‘shiladi; 
Contour (Kontur) — belgi, kesim shaklni har doim yo‘l chizig‘iga 
perpendikulyar holatda joylashishiga majbur qiladi. Agar parametr 
belgilanmagan bo’lsa, kesim o‘zining dastlabki holatiga parallel holatda yo‘l 
bo‘ylab joylashadi; 
Banking (Qiyalik) — bu belgi kesim shaklini egri yo‘l bilan birgalikda 
buralishga majbur qiladi. Masalan, spiralni yo‘l sifatida ishlatilganda, 
parametrning xuddi shunaqa holatda shakllanishi uchun o‘zgartirish kerak. Aks 
holda kesim yo‘lga nisbatan uch o‘lchamning barchasida to‘g‘ri joylashmaydi; 
'