Таълим вазирлиги тошкент давлат иқтисодиёт университети

Институционал низо
– расмий ва норасмий қоидалар ўртасидаги 
номувофиқлик натижаси. Бир ҳолатда, институционал низо истиқболсиз 
институтларнинг пайдо бўлиши, бошқа ҳолатда эса самарасиз бўлса-да 
барқарор ҳосилалар – институционал тузоқларнинг пайдо бўлишига олиб 
келади. 
Институционал технология
– институтларни жорий этиш (импорт 
қилиш), шунингдек, иқтисодий тизим фаолияти трансакция харажатларининг 
пасайишига олиб келиш ва иқтисодий ўсишни таъминлашга қодир янги 
институтларни ишлаб чиқиш (етиштириш) билан боғлиқ технология.
Институционал тузоқ
– ўзини-ўзи қўллаб-қувватловчи хусусиятга эга 
самарасиз барқарор норма (самарасиз институт). 
Иштирокчи
– мол-мулкка нисбатан мулкчилик ҳуқуқидан жамиятга 
нисбатан талаб ҳуқуқи эвазига воз кечувчи иқтисодий агент. 
Иқтисодиётдаги маъмурий тўсиқлар
– давлат органларининг қарорлари 
билан белгиланган, уларга амал қилиш бозорда фаолият юритишнинг 
мажбурий шарти ҳисобланган, бюрократик тартиботларни ўташ учун одатда 
бюджетга тушмайдиган тўловларни жорий этувчи қоидалар. 
Иқтисодий империализм
– неоклассик ёндашув асосида жамият 
тўғрисидаги фанларнинг бутун тарқоқ оиласини унификациялаш. 
Келишувлар нисбатининг
қуйидаги вариантлари мавжуд:
 
Муроса
– унда турли келишувлар талаблари ўртасидаги зиддиятга барҳам 
берувчи синтетик нормалар намоён бўлувчи келишувлар нисбати. 
Уриниш
– унда бир ўзаро ҳамкорликнинг ўзи бир-бирини истисно этувчи 
нормалар асосида амалга оширилиши мумкин бўлган келишувлар нисбати. 
Экспансия
– унда ўзаро ҳамкорликни ташкил этиш илгари бошқа 
келишувлар ҳукмронлик қилган соҳалардаги келишувлардан бирининг 
нормалари асосида амалга ошадиган келишувлар нисбати. 
Кооперация
– инсонлар гуруҳининг ҳамкорлиги тури бўлиб, унинг 
натижасида бирор-бир ресурсдан биргаликда фойдаланиш якка тартибда 
фойдаланишдагига нисбатан яхшироқ натижаларга эришишга ёрдам беради.