Т ү р к І с т а н к І т а п ү Й

Laboratory for Clinical Stress Research-
тің зерттеуінің нәтижесінде былай делінеді: «Төрт жасар 
балалардың әр үш баланың біреуі зәрін ұстай алмайды. Әр 
екі жас-жеткіншектің біреуі ұйқысыздық, әлсіздік секілді 
келеңсіздіктерден шағымданушы. Әр жылы мыңдаған 
адам өзіне қол жұмсауда, ал әр мың адамнан 100-нің жүйке 
ауруларына шалдығуы Швецияны ең бақытсыз адамдардың 
қатарына шығаруда.» Қазіргі таңда біздің отбасы жағдайымыз 
батысқа қарағанда тәуір. Бірақ батысқа еліктегіш қоғам, осы 
қарқынмен кете беретін болса, біздің де басымызға келетіні 
осы емес пе?!
«Он үшке толған қызыңды біреудің үйіне қондырма, он 
үшке толған ұлыңды біреудің үйінен тойдырма», «Қызға 
қырық үйден тыйым», «Ел болам десең бесігіңді түзе» деген 
мақал бар. Дана ата-бабаларымыз отбасының ел ішіндегі 
маңыздылығын, соның ішінде бала тәрбиесіне мықты көңіл 
бөлінуі керектігін айқындап берген. Сондықтан әрбір ата-ана 
бала тәрбиесіне немқұрайлы қарамауы, оларды бос жібермеуі, 
жіті бақылауы тиіс. Ар тазалығының маңыздылығын, 
зинақорлықтың зияндарын түсіндіріп, имандылыққа, 
ибалыққа тәрбиелеу қажет. Әсіресе интернеттен төнетін 
қауіптер және теледидар көрсетілімдерінен, яғни тәрбиені 
бұзатын шетелдік фильмдерге қатысты мұқият болу керек.
 

---

ЖАНҰЯ
- 83 -
Шегін білу
Сұрақ: 
Әдеп деген не?
Жауап: 
Әдеп – өзін-өзі кез-келген ортада ұстай білу, 
шектен асып кетпеу деген сөз. Отбасында, жұмыс орнында, 
қоғамда барлық жердің бір шекарасы, ережесі бар. Барлық 
қиындықтар мен адамдармен сыйыспаушылықтар үнемі 
шектен асып кетуден пайда болады. Әркім өзінің шегін 
(орнын) біліп, шамадан тыс кетпесе, мысалға: бір үйдің 
әйелі мен күйеуі де өздерінің шегінен аспай, соған сәйкес 
әрекет етсе, ол үй – жаннаттай болады. Жаннаттай болған 
үйден ахиретке көшкендер де әлбетте жаннатқа кетеді. 
Әрбір мәселеде дініміздің әміріне мойынсұнып, соған сәйкес 
әрекет еткен адам, шамасын біліп, шегінен аспаған болады. 
Ондай жағдайда ұрыс-керісте, сыйыспаушылықта, төбелесте 
болмайды. Дүние гүл бақшасына айналады. Барлық нәрсенің 
шегін дініміз білдіруде.