Abu ali ibn sino nomidagi buxoro davlat tibbiyot

Artropatik psoriaz
revmatoid artritga nisbatan og'irroq kechadi, ko'pincha erkaklarda 
kuzatiladi. Artropatik psoriazda jarayon barmoqlarning oxirgi falangalari sohalarida 
tirnoq plastinkalari zararlanishi bilan kechadi. Bundan tashqari umurtqalararo va 
dumg'aza- yonbosh birlashmasi ham tezda qo'shilishi mumkin, jarayon ko'pincha 
asimmetrik bo'lib, bo'g'imlar deformatsiyasiga olib keladi, revmatoidli sinamalar 
manfiy bo'ladi. 
Gistopatologiyasi: 
Psoriazda patognomik belgilarning yuzaga kelishida keratinizatsiya jarayonining 
buzilishi yotadi, ya`íè normal muguzlanishga nisbatan keratinizatsiya jarayoni 27 
marta oshib ketadi. Ýpidermisda parakeratoz, akantoz, xujayralar ichida shish, 
xujayralar orasida dermadan kelgan neytrofillarning yig'ilishi (Munro mikroabstsessi) 
kuzatiladi. Tuguncha ustidagi muguz qavat qalinlashadi, u asosan tayoqchasimon 
yadroga ega bo'lgan parakeratotik xujayralardan iborat bo'ladi. Muguz qavati 
xujayralari orasida juda ko'p tirqishlar bo'lib, ular havo bilan to'lganligi sababli 
tangachalar kumushsimon ko'rinishga ega bo'ladi. Ýski toshmalarda parakeratozga 
nisbatan giperkeratoz ko'proq shakllanadi. Donador qavat yo'qolishi yoki bir qavatli 
xujayralardan iborat bo'lishi mumkin Dermada papillamatoz kuzatiladi. So'rg'ichsimon 
qavatning kapillyarlari kengayib qon bilan to'lganligi yaqqol ko'zga tashlanadi. 

---

30 
So'rg'ichsimon qavatda va uning ostida limfotsit, gistiotsitlardan iborat yallig'lanish 
infil'trati bo'ladi.
Davolash:
Psoriaz kasalligini davolash asosan, yallig'lanishga qarshi, epiteliotsitlar 
giperproliferatsiyasigà qarshi va ular normalizatsiyasi differentsirovkasiga qaratilgan 
bo'lishi kerak. Psoriazni dvolashda hozirgi paytda ko'pgina usullar bor, har qaysi
davolash usulni tavsiya qilishdan oldin bemorga individual yondoshmoq lozim. Bunda 
bemorning jinsi, yoshi, kasbi, kasallikning klinik shakllari, davrlari, mavsumiyligi , 
jarayonning tarqalganligi, qo'shilib kelgan yoki boshidan o'tkazgan kasalliklari , 
oldingi olgan davo kurslari hisobga olinishi kerak. Bemorning psixologik holati ham 
katta ahamiyatga ega. Bemorlar bilan suhbatda unga bu kasalik haqida tushuntirish 
,davolashda erishilgan yutuqlar haqida aytish kerak. 
Bemorga o'z vaqtida davolanish va vrach ko'rsatmalariga amal qilish kerakligi haqida 
aytish, shu bilaí kasallikni uzoq vaqt remissiyaga erishish mumkinligi haqida 
tushuntirish kerak. 
Kasallikning klinik formasi va davrlariga qaramay psoriaz bilan og'rigan bemorlar 
parhezga va teri parvarishiga rioya qilishi kerak. Bunday bemorlar alkogol 
ichimliklari ichmasligi o'tkir va yog'li ovqat mahsulotlarini iste`mol qilmasligi kerak. 
Bundan tashqari tez hazm bo'ladigan uglevodlarni (qand, asal, murabbo) cheklash 
kerak. Bular o'rniga oqsilga boy sut mahsulotlari, baliq, go'shtli, sabzavodli 
mahsulotlardan, mevalardan iste`mol qilishni tavsiya qilish kerak.