Бошқа тармоқларда бухгалтерия ҳисобининг хусусиятлари

Дебет
1000 «Материаллар» 
Кредит
2310 «Ёрдамчи ишлаб чиқариш» 
(2) ёрдамчи ишлаб чиқариш харажатларининг капитал инвестиция 
сифатида тан олинган суммасига: 
Дебет
0890 «Бошқа капитал қуйилмалар» 
Кредит
2310 «Ёрдамчи ишлаб чиқариш» 
(3) ёрдамчи ишлаб чиқариш харажатлари асосий ишлаб чиқариш 
харажатларига киритилган суммасига: 
Дебет
2010 «Асосий ишлаб чиқариш» 
Кредит
2310 «Ёрдамчи ишлаб чиқариш» 
(4) ёрдамчи ишлаб чиқариш харажатларининг давр харажатлари ҳисоби 
счётларига ўтказилган қисмига: 
Дебет
9400 «Давр харажатларини ҳисобга олиб борувчи счётлар» 
Кредит
2310 «Ёрдамчи ишлаб чиқариш». 
Ёрдамчи ишлаб чиқариш харажатлари ва улар тақсимотининг аналитик 
ҳисоби автотранспорт корхоналари ёрдамчи ишлаб чиқариш ва хизмат 
кўрсатиш бўлинмалари бўйича 10 журнал-ордерда юритилади. 
Автотранспорт корхоналарида умумишлаб чиқариш характерига эга бўлган 
харажатлар ҳисоби 2500 «Умумишлаб чиқариш харажатлари» счётида 
юритилади. Ушбу счётда қуйидаги харажатлар акс эттирилади: 
а) омбор хўжаликларини сақлаш ҳамда уларни эксплуатация қилиш 
харажатлари; 
б) ишлаб чиқариш мақсадидаги мол-мулкни суғурталаш харажатлари; 
в) ишлаб чиқариш биноларини иситиш, ёритиш ва сақлаш харажатлари; 
г) АТВлар ёрдамида иш (хизмат)ларни юритувчи ходимларга маиший, 
тиббий, санитария-гигиена, овқатланишни ташкил қилиш бўйича хизматларни 
кўрсатиш бўлинмалари.
д) ишлаб чиқариш мақсадида фойдаланиладиган мол-мулкни ижарага 
олиш харажатлари; 
е) умумишлаб чиқаришда банд бўлган ходимларга ҳисобланган меҳнат 
ҳақи ва ижтимоий суғуртага ажратмалар; 
ж) умумишлаб чиқариш хусусиятига эга бўлган бошқа харажатлар.

---

 Ҳисобот ойи мобойнида 2510 «Умумишлаб чиқариш харажатлари» 
счётининг дебетида ва мос равишдаги бошқа счётларнинг кредитида номлари 
юқорида зикр этилган харажат моддалари бўйича маълумотлар жамланади. Ой 
охирида ушбу счётнинг дебетида тўпланган харажатлар автотранспорт 
корхонаси ҳисоб сиёсатида келтирилган тартибга мувофиқ асосий ишлаб 
чиқариш (2010 счёт), ёрдамчи ишлаб чиқариш (2310 счёт) ҳамда давр 
харажатлари (9400 счёт)га тақсимланади. 
Автотранспорт корхоналарида умумишлаб чиқариш харажатларининг 
аналитик ҳисоби умумишлаб чиқариш ва хизмат кўрсатиш бўлинмалари бўйича 
10 журнал-ордерда юритилади.