Бошқа тармоқларда бухгалтерия ҳисобининг хусусиятлари

материал харажатлари
– бу юк ташиш ёки йўловчи ташиш бўйича 
бажарилган иш (кўрсатилган хизмат)лар учун сарфланган ёқилғи, мойлаш 
материаллари, эҳтиёт қисмлар хўжалик буюмлари, махсус жиҳозлар ва бошқа 
турдаги материаллар қиймати; 

меҳнат ҳақи харажатлари 
- бу юк ташиш ёки йўловчи ташиш бўйича 
бажарилган иш (кўрсатилган хизмат)лар учун АТВлар ҳайдовчиларига 
ҳисобланган меҳнат ҳақи; 

ижтимоий суғуртага ажратмалар - 
бу юк ташиш ёки йўловчи ташиш 
бўйича бажарилган иш (кўрсатилган хизмат)лар учун АТВлар ҳайдовчиларига 
ҳисобланган меҳнат ҳақига нисбатан давлатнинг бюджетдан ташқари мақсадли 
фондларига белгиланган ставкалардаги мажбурий тўловлари; 

амортизация харажатлари - 
бу юк ташиш ёки йўловчи ташиш бўйича 
ишларни бажариш (хизматларни кўрсатиш)га бевосита алоқадор бўлган асосий 
воситалар ҳамда номоддий активларнинг эскириш қиймати; 

---


бошқа
ишлаб чиқариш харажатлари
– бу юк ташиш ёки йўловчи 
ташиш бўйича бажарилган иш (кўрсатилган хизмат)лар учун сарфланган бошқа 
ёрдамчи ва умумишлаб чиқариш мақсадларидаги харажатлар, масалан газ, сув, 
электр қуввати, пар таъминоти, жорий ва капитал таъмирлаш харажатлари, 
шунингдек турли хизматлар учун ҳисобланган тўловлар. 
Ишлаб чиқариш харажатлари ҳар бир моддасини ҳисобга олишнинг, 
шунингдек уларни юк ташиш ёки йўловчи ташиш бўйича бажарилган иш 
(кўрсатилган хизмат) таннархига киритишнинг ўзига хос хусусиятлари мавжуд. 
Қуйида уларнинг асосийларига тўхталамиз. 
 
2. Ёқилғи сарфининг ҳисоби 
Юк ташиш ёки йўловчи ташиш бўйича бажарилган иш (кўрсатилган 
хизмат)лар таннархига ёқилғи қиймати уларнинг белгиланган меъёрий сарфига 
асосан киритилади. Ёқилғининг меъёрий сарфи автомобилларнинг турлари 
бўйича қуйидаги алгоритмлар асосида топилади: