Кодексини тасдиқлаш тўҒрисида id-29646 модда. Ўзбекистон Республикасининг Жиноят кодекси тасдиқлансин

172-
модда.
 
Ҳақорат қилиш
Ҳақорат қилиш, яъни шахснинг шаъни ва қадр
-
қимматини беодоблик билан қасддан 
таҳқирлаш, башарти, шундай ҳаракатлар учун маъмурий жазо қўлланилгандан кейин содир 
этилган бўлса, —
базавий ҳисоблаш миқдорининг икки юз бараваригача жарима ёки икки юз қирқ соатгача 
мажбурий жамоат ишлари ёхуд бир йилгача ахлоқ тузатиш ишлари билан жазоланади.
Нашр қилиш ёки бошқача усулда кўпайтирилган тарзда, шу жумладан оммавий ахборот 
воситаларида, телекоммуникация тармоқларида ёки Интернет жаҳон ахборот тармоғида 
жойлаштириш орқали ҳақорат қилиш –
базавий ҳисоблаш миқдорининг юз бараваригача жарима ёки икки юз қирқ соатдан уч юз 
соатгача жамоат ишлари ёхуд бир йилдан икки йилгача иш ҳақидан ушлаб қолиш билан 
жазоланади.
Ҳақорат қилиш:
1) жабрланувчини ўз хизмат ёки фуқаролик бурчини бажариши муносабати билан боғлиқ 
ҳолда содир этилган бўлса;
2) оғир оқибатлар келиб чиқишига сабаб бўлса, —
базавий ҳисоблаш миқдорининг юз бараваридан икки юз бараваригача жарима ёки бир 
йилдан уч йилгача иш ҳақидан ушлаб қолиш ёхуд бир йилгача озодликни чеклаш билан 
жазоланади.
173-
модда.
 
Ўзбошимчалик билан жазолаш

---

Муайян қилмишни содир этган ёки содир этишда гумон қилинган шахсни ўзбошимчалик 
билан жазолаш мақсадида унга зўрлик ишлатиш ёки зўрлик ишлатиш билан қўрқитиш, уриш, 
дўппослаш, қийнаш, азоб бериш йўли билан ёки қонунга хилоф бошқа ҳаракатлар воситасида 
руҳий, психологик, жисмоний ёки бошқача тарзда босим ўтказиш 
-
базавий ҳисоблаш миқдорининг эллик бараваригача жарима ёки бир йилгача озоликни 
чеклаш билан жазоланади.
Ўша ҳаракатлар:
1) икки ёки ундан ортиқ шахсга нисбатан
2) бир гуруҳ шахслар томонидан;
3) 
оммавий ахборот воситаларидан ёхуд телекомуникация тармоқларидан, шунингдек 
Интернетдан фойдаланиб тарқатилган ҳолда содир этилган бўлса, 
-
базавий ҳисоблаш миқдорининг эллик бараваридан юз бараваригача жарима ёки бир 
йилдан уч йилгача озодликни чеклаш ёхуд бир йилдан уч йилгача озодликдан маҳум қилиш 
билан жазоланади.