Кодексини тасдиқлаш тўҒрисида id-29646 модда. Ўзбекистон Республикасининг Жиноят кодекси тасдиқлансин

335-
модда.
 
Нефть қувурларини, газ қувурларини, нефть ва газ маҳсулотлари 
қувурларини яроқсиз ҳолатга келтириш
Нефть қувурларини, газ қувурларини, нефть ва газ маҳсулотлари қувурларини, 
шунингдек технологик жиҳатдан улар билан боғлиқ бўлган объектларни, иншоотларни, алоқа, 
автоматика, сигнализация воситаларини қасддан бузиш, уларга шикаст етказиш ёки бошқа усул 
билан уларни фойдаланиш учун яроқсиз ҳолатга келтириш, агар ушбу ҳаракатлар уларнинг 
нормал ишлаши бузилишига олиб келса ёки олиб келиши мумкин бўлса, —
базавий ҳисоблаш миқдорининг юз бараваригача жарима ёки икки йилгача иш ҳақидан 
ушлаб қолиш ёки бир йилдан уч йилгача озодликни чеклаш ёхуд бир йилдан уч йилгача 
озодликдан маҳрум қилиш билан жазоланади.
Ўша ҳаракатлар:
1) бир гуруҳ шахслар томонидан олдиндан тил бириктириб;
2) магистраль қувурларга нисбатан содир этилган бўлса;
3) кўп миқдорда зарар етказилишига;
4) соғлиққа ўртача оғир ёки оғир зиён етказилишига сабаб бўлса, —
базавий ҳисоблаш миқдорининг икки юз бараваридан уч юз бараваригача жарима ёки 
икки йилдан уч йилгача иш ҳақидан ушлаб қолиш ёки уч йилдан беш йилгача озодликни 
чеклаш ёхуд уч йилдан беш йилгача озодликдан маҳрум қилиш билан жазоланади.
Ўша ҳаракатлар:
1) одам ўлишига;
2) жуда кўп миқдорда зарар етказилишига сабаб бўлса, —
беш йилдан саккиз йилгача озодликдан маҳрум қилиш билан жазоланади.
Ўша ҳаракатлар:
1) одамлар ўлимига;
2) бошқа оғир оқибатларга сабаб бўлса, —
саккиз йилдан ўн йилгача озодликдан маҳрум қилиш билан жазоланади.
336-
модда.
 
Тадқиқот фаолиятини амалга оширишда хавфсизлик қоидаларини 
бузиш
Илмий тадқиқот ёки синов тажриба фаолиятини амалга ошириш вақтида хавфсизлик 
қоидаларини бузиш соғлиққа ўртача оғир ёки оғир зиён етказилишига сабаб бўлса, —
базавий ҳисоблаш миқдорининг эллик бараваригача жарима ёки икки йилгача иш 
ҳақидан ушлаб қолиш билан жазоланади.
Ўша қилмиш:
1) хавфсизлик қоидаларига риоя қилиниши учун масъул шахс томонидан содир этилган 
бўлса;
2) кўп миқдорда зарар етказилишига сабаб бўлса, —
икки йилдан уч йилгача иш ҳақидан ушлаб қолиш ёки бир йилдан уч йилгача озодликни 
чеклаш ёки бир йилдан уч йилгача озодликдан маҳрум қилиш билан жазоланади.

---

Ўша қилмиш:
1) одам ўлишига;
2) бошқа оғир оқибатларга сабаб бўлса, —
уч йилдан беш йилгача озодликни чеклаш ёхуд уч йилдан беш йилгача озодликдан 
маҳрум қилиш билан жазоланади.