S. R. Matiyazova, G. D. Adilova

Ehtimollar nazariyasi
- tasodifiy hodisalarning ehtimolligi bo‘yicha o‘zaro 
aloqada bo‘lgan boshqa hodisalarning ehtimolligini aniqlash bilan bog‘liq 
matematika fani. Ehtimollar nazariyasi asosida tasodifiy hodisalarning ro‘y berish 
ehtimolligi katta yoki kichik ekanligi aniqlanadi. Ehtimollar nazariyasi aktuar 
hisob-kitoblarni amalga oshirishda muhim vosita hisoblanadi. 
Y
a
shil karta
- avtotransport vositalari egalarining fuqarolik javobgarligini 
majburiy sug‘urtalash to‘g‘risidagi xalqaro shartnomalar tizimi. Mazkur sug‘urta 
turi bo‘yicha shartnoma tuzilganlik faktini tasdiqlovchi polis. 1949 yilda 
Yevropaning 13 ta davlati o‘rtasida yashil karta to‘g‘risida shartnoma tuzilgan. 
Hozirgi paytda yashil kartaga a’zo mamlakatlar 30 dan ziyodni tashkil etadi. 
Yashil kartaga a’zo bo‘lgan mamlakatlarda tegishli milliy byurolar tashkil etilgan 
va u mazkur davlat hududida yashil karta bilan bog‘liq ishlarni muvofiqlashtirib 
turadi. O‘z navbatida milliy byurolar yashil karta xalqaro byurosiga birlashgan. 
Qarorgohi Londonda joylashgan. 
O‘zaro sug‘urtalash jamiyati
- foyda olishni ko‘zlamaydigan notijorat 
shaklidagi sug‘urta kompaniyasi. Sug‘urta qilishning tashkiliy shakli. O‘zlarining 
mulkiy manfaatlarini sug‘urtaviy himoyalash uchun yuridik va jismoniy 
shaxslarning ixtiyoriy bitim asosida birlashuvi. O‘zaro sug‘urtalash jamiyati 
yuridik shaxs hisoblanib, har bir sug‘urtalanuvchi ushbu jamiyatning a’zosi 
bo‘ladi. AQSH va Yaponiyada asosan, hayot sug‘urtasi bilan shug‘ullanuvchi 
kompaniyalar o‘zaro sug‘urtalash jamiyati shaklidadir. Hozirgi paytda Yaponiyada 
o‘zaro sug‘urtalash jamiyatlari hayotni sug‘urtalash bozorining 89,4%ni tashkil 
etadi. 
Qayta sug‘urta brokeri
- o‘z nomidan va qayta sug‘urta qilish shartnomasi 
bo‘yicha sug‘urta qildiruvchi tariqasida ishtirok etuvchi sug‘urtalovchi-ning 
topshirig‘iga binoan qayta sug‘urta qilish shartnomasi tuzilishini va ijro etilishini 
tashkil qilish bo‘yicha faoliyat yurituvchi yuridik shaxs.