Toshkent davlat yuridik universiteti davlat huquqi va boshqaruvi kafedrasi

birinchidan,  fuqarolarning  qaysi  dinga  mansubligidan  qat’i  nazar,  teng 

huquqli  ekanligi,  diniy  e’tiqodi  fuqaroviy  huquqini  chegaralashiga  va  diniy 

qarashlardan  janjal  va  ko’ra  olmaslikni  keltirib  chiqarishga  yo’l  qo’ymaydigan 

tenglik; 

ikkinchidan, diniy, ateistik ruhdagi birlashmalarni davlatdan ajratish; 

uchinchidan, zamonaviy ko’rinishdagi davlat tizimi, qonun oldida dinning va 

diniy birlashmalarning tengligi; 

Din  erkinligi,  fuqaro  o’z  shaxsiy  javobgarligi  va  davlat  tomonidan 

majburlanmasdan  diniy  muammolarini  hal  qilishni  anglatadi.  Unda  alohida 

shaxsning  huquqi  mujassamlashgan  davlat  tarafidan  aralashmaslik,  diniy 

qarashlarga  va  ularni  tarqatishga  nisbatan  davlat  tomonidan  qayd  etilgan  nashrlar 

natijasida  amalga  oshiriladi;  din  erkinligi  huquqi  alohida  shaxsning  davlat 

chegaralarisiz  o’z  diniy  faoliyatini  mustaqil  amalga  oshirishni  o’z  ichiga  oladi. 

Ateistlar va dinga o’z munosabatini shakllantirmagan shaxslar uni qabul etish yoki 

rad etishiga majburlanmaydi. 

Prezidentimiz bir ma’ruzalarida: “Biz bobolarimizning muqaddas dini bo’lgan 

islom  dinini  qadrlaymiz,  hurmat  qilamiz,  odamzod  ruhiy  dunyosida  iymon-

e’tiqodni,  insoniy  fazilatlarni  mustahkamlashda  uning  o’rni  va  ta’sirini  yuksak 

baholaymiz.  Biz  o’z  millatimizni  mana  shu  muqaddas  dindan  ayri  holda  aslo 

tasavvur  qila  olmaymiz.  Diniy  qadriyatlar,  islomiy  tushunchalar  hayotimizga  shu 

qadar singib ketganki, ularsiz biz o’zligimizni yo’qotamiz”,- deganlar. 

Natijada  bugungi  kunda  hukumatimizning  din  va  dindorlarga  bo’lgan 

munosabati  tubdan  o’zgardi.  Ko’plab  masjid  va  madrasalar  ochildi.  Islom  diniga 

---

12 

 

mansub  bir  qancha  tarixiy  yodgorlik  obidalari  musulmonlar  ixtiyoriga  qaytarilib 

berildi. 

Diyorimiz mustaqillikka erishgandan so’ng, hayotimizning barcha jabhalarida 

ulkan  o’zgarishlar  ro’y  berdi.  Kishilarimizning  islom  diniga  nisbatan  qiziqishi 

yanada ortdi. Dinga va dindorlarga bo’lgan munosabatlari tubdan o’zgardi.  

Bugungi  kunda  farzandlarimiz  dunyoviy  va  diniy  bilim  olish  huquqiga  ega 

bo’lib  turibdilar.  Ular  respublikamizdagi  bir  qancha  oliygohlar,  bilan  bir  qatorda 

Toshkent  islom  universiteti,  Toshkent  islom  instituti  va  o’nga  yaqin  o’rta  maxsus 

islom  bilim  yurtlarida  ta’lim  olmoqdalar.  Shuningdek,  yurtimizda  bir  qancha 

allomalarimizning  tavalludlariga  bag’ishlangan  xalqaro  ilmiy-amaliy  anjumanlar 

bo’lib o’tdi hamda ular sharafiga me’moriy obidalar barpo etildi. 

Vazirlar Mahkamasining  “Din sohasidagi ma’naviy-ma’rifiy, ta’lim ishlarini 

va  faoliyatini  yanada  takomillashtirishda  ijtimoiy  ko’mak  va  imtiyozlar  berish 

to’g’risida”gi  Qarori  qabul  qilinishi  diyorimiz  musulmonlari  hayotida  muhim 

tarixiy voqea, el ko’nglidagi ayni muddao bo’ldi. 

Mazkur  Qaror  diniy  bilim  yurtlarining  bitiruvchilariga  beriladigan  diplomlar 

davlat ta’lim hujjati sifatida e’tirof etilishini ta’minladi. 

Respublikamiz  hukumati  fuqarolarimizga  diniy  marosimlarini kamoli  hurmat 

bilan ado etishlari uchun lozim bo’lgan barcha shart-sharoitlarni yaratib bermoqda. 

Jumladan,  muborak  umra  va  haj  safariga  boruvchi  hojilar  uchun  katta  qulayliklar 

yaratilishi  diyorimiz  musulmonlariga  ko’rsatilayotgan  beqiyos  g’amxo’rlik 

namunasidir.  Bosh  Qomusimizda  fuqarolarning  manfaatlari  qonuniy  ravishda 

mustahkamlangan  va  qat’iy  kafolatlangandir.  Shunday  ekan,  bu  muqaddas 

zaminda  yashayotgan  har  bir  inson  aziz  ona  Vatanimiz  oldidagi  fuqarolik 

burchlarini  yaxshi  anglab  olmoqlari  lozim.  Huquq  va  erkinliklarga  ega  bo’lish 

bilan  birga  zimmamizda  burch  va  majburiyatlar  borligini  ham  unutmasligimiz 

kerak bo’ladi. 

---

13