Бухоро давлат университети жисмоний маданият факультети

 
Ўзбекистон давлат жисмоний тарбия ва спорт университети, Чирчиқ ш.
 
Халқаро спорт ареналарида, турли нуфузли мусобақаларда Ўзбекистон номининг жаранглаши, 
юртимиз байроғининг юксакларга кўтарилиши қалбимизда чексиз фахр-ифтихор туйғусини янада жўш 
уридиради. Зеро, истиқлол туфайли ўзбек спорти ривожланмоқда, юртимизнинг барча ҳудудларида 
спорт кун сайин оммавийлашиб бормоқда. 
Мамлакатимиз раҳбари раҳнамолигида болалар спортини ривожлантириш, ўсиб келаётган ёш 
авлодни ҳар томонлама баркамол этиб тарбиялашга қаратилган ишлар изчил давом эттирилмоқда. 
Бугунги кунда умумтаълим мактаблари ўқувчиларининг ҳар уч нафаридан бири турли секция ва 
тўгаракларда спорт билан мунтазам шуғулланмоқда. Сўнгги ўн йил ичида мамлакатимизнинг барча 
ҳудудларида спортнинг турли йўналишлари бўйича кўплаб жаҳон ва Осиё чемпионлари етишиб 
чиққани жисмоний тарбия ва спорт халқимиз, айниқса, ёшлар ўртасида оммалашиб бораётганини 
кўрсатади. 
Тадқиқотнинг долзарблиги. 
Давлатимиз ва ҳукуматимиз томонидан болалар спортини 
ривожлантириш, уларнинг соғлигини мустаҳкамлаш йўлида олиб бораётган ислоҳотлар натижасида 
юртимизда ўсиб келаётган ёш авлоднинг саломатлик кўрсаткичлари яхшиланиш билан бир қаторда 
уларнинг танланган спорт турларидан маҳоратларини ҳам оширишга катта эътибор қаратилмоқда. Ўрта 
умумтаълим мактабларида билим олаётган болалар ўртасида спортнинг оммалашуви сўнги йилларда 
сезиларли даражада ортганини инобатга олсак, бу борада фаолият юритаётган жисмоний тарбия 
ўқитувчилари ва спорт мураббийлари ўз касбларига сидқиқдилдан ёндашаётганини билишимиз 
мумкин. Лекин, мактаб ўқувчи-қизларини енгил атлетика машғулотлари орқали жисмоний 
сифатларини тарбиялаш билан бирга “Алпомиш” ва “Барчиной” тестларини топширишга тайёрлаш 
муҳимдир. Шу мақсадда танланган мавзу юзасидан тадқиқот олиб боришга қарор қилдик.
 
Ишнинг мақсади.
Мактаб ўқувчи-қизлари учун машғулот дастури юкламлари ишлаб чиқиш ва 
шу орқали уларни “Алпомиш” ва “Барчиной” тестларига тайёрлаш.