Microsoft Word paronimlar lugati ziyouz com doc

 
АБРЎ — ОБРЎ 
Абрў — эски кт. қош. 
Қаю манзилдаким ул хўш нигоҳ абрў ҳилолим бор, 
Борай дерман қошига талпинарман то мажолим бор.
(Мужрим Обид.) 
Обрў — ҳурмат, эътибор, нуфуз. Обрў қозонмоқ. 
Планнинг бажарилиши — бизнинг обрўмиз.

---

Паронимлар луғати 
www.ziyouz.com kutubxonasi 
6
(«Сов. Ўзб.») 
 
АДАШ — ОДОШ 
Адаш — отлари (номлари) айнан бир хил бўлган кишилар — отдош. 
Эшитдингми, адаш, деди Матвей сариқ мўйловини бош бармоғи билан ростлаб,— биздан 
марказқўм ҳам кўз-қулоқ бўлиб турибди.
(А. Мухтор.) 
Одош — диал. тамом бўлиш; тугаш; тамом. Одош бўлди. 
Бор-йўқни одош қилиб, ундан сўнг бармоғингни тишлаб ўтирасанми? Ундан кўра ишла.
(«Муштум».) 
 
АДИБ — АДИП 
Адиб —бадиий асар ёзадиган шахс, ёзувчи. 
1. Ҳиротда талайгина ёш адиблар, машшоқлар ва рассомлар чиқяпти. Уларга йўл-йўриқ 
кўрсатиб турмоқ керак, — деди Навоий Ҳусайнга.
(Ойбек.)
2. Новатор адиб Чингиз Айтматов Ленин мукофоти лауреати номини олиш шарафига 
муяссар бўлди.
(«Сов. Ўзб.») 
Адип — тўн, халат кабиларнинг четига тикиладиган энсиз мато — мағиз. 
Алишер чопонига ола-була ямоқ солинган, адиплари сўкилган, бош яланг ва оёқ яланг 
дарвешни ҳам кўрди.
(Ойбек.)
 
АДИЛ — АДЛ 
Адил — тик, тўгри. 
1. Қиз ҳали ёш бўлса-да, бўйчан эди, бичими ингичка ва самбитгул новдасидек адил эди.
(Ойбек.) 
2. Мана ўтди бир соат: камайди йўл ораси, Уфқларда кўринар адил бино қораси.
(М. Шайхзода.) 
Адл — адолатли, одил. 
1. Адл қулоғила эшит ҳолими 
Зулм қилур, баски, менга золими.
(Муқимий.) 
2. Навоий зулмни қоралаб, одилни улуғлар экан, у адолатли ҳукмронларнинг барча халққа 
баравар адл билан ҳукм ўтказишларини кўзда тутарди. 
(«Сов. Ўзб.») 
АЗИМ — АЗМ 
Азим — ғоят катта, улкан. 
1. Азим дарёлар ҳам камар бўлолмас, 
Қўшилиб чулғанса сенинг белингга.
(Ҳ. Олимжон.) 
2. Азим чўл файзли, кўркам водийга айланиб боряпти. 
Азм — қатъий қарор, жазм. Азм қилмоқ. 
1. У энди пойтахтга келмоққа азм қилган.
(Ойбек.)
2. Ленин даҳоси, халқ азми билан бу чўлдан ундирилаётган «оқ олтин» дарёси республика 

---

Паронимлар луғати