O'zbekiston respublikasi oliy va o'rta maxsus ta'lim vazirligi qarshi davlat universiteti mehnat ta’limi kafedrasi

Biriktirish xillari: 
1. Detallarning to'g'ri va qiya kesilgan qirralarini 
biriktirish. Bunda yog'och materiallarining chetki qirralari yaxshi tekislanadi. Va 
yumaloq turumlar bilan biriktiriladi. Turumlarning yo'g'onligi taxtaning yarim 
qalinligidan 3-4 marta katta turumlarning o'rtasidagi oraliq esa, 100-150 mm 
bo'lishi lozim. 2. Choklar yasab biriktirish. 3. Taxtalarni to'g'ri burchakli shpunt 
yasab biriktirish. 
Biriktirish sullari. 
Ulash, yog'och detallarini uzaytirish uchun ularning 
toreslari bir-biriga biriktiriladi, ya'ni ikki yog'ochning toreslari tekislanib birbiriga 
jipslashtiriladi va uchinchi yog'ochni ularning ustiga qo'yib mahkamlanadi. Yuk 
ta'sir etmaydigan dtallar, masalan, plintuslar, portret ramkalarningning uchlari 45 
gradus burchak ostida kesib birlashtiriladi. 

---

Ko'ndalang kesuvchi kuch ta'sir etadigan detallarning uchi yarim qalinlikda 
to'g'ri kesilib, birining ustiga ikkinchisini qo'yib ulanadi va yog'och mixlar bilan 
maxkamlanadi. Yanada mustahkamroq bo'lishi uchun yog'ochlar uchi qalinligining 
yarmisicha qiya teksilik bo'ylab to'g'ri kesib biriktiriladi.
Juda puxta ulanishi zarur bo'lgan detallarda qiya birikmaning uzunligi 
ulanayotgan detallarning qalinligida kamida sakkiz marta katta bo'lishi lozim. 
Usqo'yma qilib va o'yib ulash usullari. 
Detallar turumlar yordamida 
mustahkamroq ulanadi. Hozirgi vaqtda ponasimon yoki tishli turum bilan ulash 
keng tarqalgan. Detallar bu usulda ulanganda yelimlanadigan yarim toreslarning 
maydoni katta bo'ladi, ular puxta ulanadi, yog'ochdan tejamli foydalaniladi. 
Detallar ham eni, ham qalinligi bo'yicha ponasimon ulanish mumkin.
Cho'zuvchi kuch ta'sir etadigan detallar «qaldirg'och quyruq» shaklidagi 
ochiq turum bilan ulanadi, lekin bu usulda ulashda pastdan tayanch qo'yish kerak. 
Detallarni ularning yarim qalinligi bo'yicha «qaldirg'och quyruq» shaklidagi turum 
bilan ulanganda pastdan tayanch qo'yilmaydi. «Qaldirg'och quyruq» shaklidagi 
turumni qo'lda ham, stanokda ham yasash mumkin.