Toshkent arxitektura qurilish instituti d. Sh. Inoyatova qurilishda menejment

Qurilishda ish bajarish loyihasi
(QIBL) asosan pudratchi tashkilotlarga 
zarur bo‘ladigan hujjat hisoblanib, u asosiy loyiha tasdiqlangandan so‘ng bosh 
pudratchi tomonidan yoki uning topshirig‘iga ko‘ra alohida shartnoma asosida 
texnologik loyihalash muassasalari tomonidan-ishlab chiqariladi. Bu loyihani 
tuzish bilan bog‘liq bo‘lgan
barcha sarf-xarajatlar bosh pudratchi tomonidan 
«Ustama sarflar» hisobiga to‘lanadi. 
Qurilishda ish bajarish loyihasini 3 ta asosiy texnologik hujjatlar tashkil 
qiladi: qurilishning taqvimiy rejasi, qurilish bosh tarxi va texnologik kartalar. Bu 
hujjatlarning turlari, soni va hajmi quriladigan shaxbaning turiga, katta-

---

39 
kichikligiga va murakkabligiga qarab o‘zgarishi mumkin. Har qanday QIBL 
tarkibida quyidagilar bo‘lishi zarur: 
• shaxba qurilishining taqvimiy rejasi; 
• qurilishni bosh tarxi; 
• qurilishga materiallar tuzilmalar va jihozlarni tashib keltirish jadvallari; 
• ishchi kadrlarga ehtiyoj, ularning o‘zgarish va harakatlanish jadvali; 
• qurilish mashina va mexanizmlariga ehtiyoj hamda ularning harakatlanish 
jadvali; 
• alohida olingan qurilish-montaj ishlarini bajarish bo‘yicha texnologik 
xaritalar; 
• geodezik ishlarni bajarish bo‘yicha qabul qilingan yechim va 
ko‘rsatmalar; 
• qurilishni uzluksiz usulda olib borish bo‘yicha tadbirlar; 
• qurilish maydonchasida vaqtinchalik suv, elektr, issiqlik va oqava suvlarni 
yig‘ib olish tizimlarini barpo qilish bo‘yicha qabul qilingan qaror va yechimlar; 
• texnologik asbob-uskunalar ro‘yxati; 
• qabul qilingan yechim va qarorlarni, ish bajarish usullarini asoslab 
beruvchi hamda loyihaning texnik -iqtisodiy ko‘rsatkichlari hisoblarini o‘zida aks 
ettiruvchi hisob- tushintirish xati. 
Qurilishda ish bajarish loyihasini tuzish uchun quyidagi ma’lumotlar va 
hujjatlar zarur bo‘ladi: 
• qurilishning tasdiqlangan loyihasi, shu jumladan qurilishni tashkil qilish 
loyihasi, ishchi loyiha va smetalar; 
• texnologik, energetik va boshqa xildagi zarur jihozlar va ularni qurilishga 
tashib keltirish tartibi to‘g‘risidagi ma’lumotlar. 
• qurilishda zaruriy materiallar, tuzilmalar, qismlar va yarimtayyor 
mahsulotlar bilan ta’minlash to‘g‘risidagi ma’lumotlar; 
• qurilish-montaj tashkilotlarining ishlab chiqarish quvvatlari va 
imkoniyatlari to‘g‘risidagi ma’lumotlar. 

---

40 
• qurilish ishlab chiqarishda ish bajarish, mehnatni tashkil qilish, ishlarni 
qabul qilish, xavfsizlik texnika talab – qoidalari va atrof-muhitni muhofaza qilish 
bo‘yicha mavjud me’yoriy hujjatlar va adabiyotlar. 
Qurilishda ish bajarish loyihasi mazmuni bo‘yicha qurilish - montaj ishlarini 
ularning texnologik ketma-ketligini hisobga olgan holda qachon, kimlar tomonidan 
va qanday bajarilishini o‘zida aks ettiruvchi hujjat hisoblanadi. Shuning uchun u 
qurilishda ishchilar mehnatini to‘g‘ri tashkil qilish va muhofaza qilish, har bir 
qurilish – montaj ishlarini o‘z vaqtida sifatli qilib bajarishda muhim rol o‘ynaydi.