Boshqaruv psixologiyasi

Boshqaruv psixologiyasi
– boshqaruv maqsadi va vazifalarni amalga 
oshirish davomida boshqaruv sub‟yekti va ob‟yekti o„rtasida yuzaga keluvchi 
munosabatni talqin etadi. 
Mutaxassislarning fikricha, boshqaruv psixologiyasining boshqa turkum 
vazifalari boshqaruv usullarini shakllantirish bo„lib, ushbu tadbir tashkilotning 
samarali faoliyatini ta‟minlash maqsadidagi 
ta‟sir etish imkoniyatlarini ishlab chiqishdan 
iboratdir. 
Adabiyotlar 
tahlilidan 
ko„rinadiki, 
boshqaruv sub‟yekti va ob‟yekti masalasi – boshqaruv psixologiyasi fanidagi 
asosiy tushunchalardan sifatida e‟tirof etiladi. Soha mutaxassislari, boshqaruv 
jarayonini ijtimoiy-psixologik nuqtai nazardan tahlil qilishar ekanlar, boshqaruv 
sub‟yekti sifatida rahbarni, ob‟yekt tarzida esa, xodimni va mehnat jamoasini 
tasavvur etish mumkin, deb ta‟kidlashadi. Yana ularning fikricha, rahbar o„z 
faoliyatini tashkil etishi va o„zini o„zi boshqarishi, uni nafaqat boshqaruv 
sub‟yekti, balki ob‟yekti sifatida ham tushunish zaruratini kun tartibiga qo„yadi. 
Shu bois, rahbarning kasbiy mukammallashuvi, o„zini o„zi boshqarish 
malakalarini egallashi, tashkilot va xodimlar boshqaruvidagi asosiy mavzulardan 
biriga aylanadi. 
Boshqaruvning 
sub‟yekti o„rganilganda esa (3.1-jadval), odatda 
boshqaruvchi shaxs yoki odamlar guruhi nazarda tutiladi.