3 Annotatsiya

 
Kirish 
5340500-“Qurilish materiallari, buyumlari va konstruksiyalarini ishlab 
chiqarish” ta’lim yo‘nalishi negizidagi 5A340501-“Qurilish materiallari, 
buyumlari, konstruksiyalari va ularni ishlab chiqarish texnologiyalari” 
mutaxassisligi arxitektura va qurilish sohasidagi mutaxassisliklardan biri bo‘lib, 
Respublikamizning qurilish sanoatini malakali kadrlar bilan ta’minlashni nazarda 
tutadi. 
Ishlab chiqarishning tez sur’atlar bilan rivojlanishi malakali mutaxassislar 
tayyorlash tizimini yanada rivojlantirishni, hozirgi kundagi fan-texnika taraqqiyoti 
talablaridan kelib chiqqan holda, ta’limni bevosita ishlab chiqarish bilan birgalikda 
uzviy olib berishni taqozo etadi. 
Bugungi kunda zamonaviy loyihalar asosida turar-joy binolari, maishiy 
xizmat ko‘rsatish majmualari, sanoat va ishlab chiqarish korxonalari va x.k 
inshootlar barpo etilmoqda. Tabiiyki, bunday ulkan bunyodkorlik ishlari uchun va 
zamonaviy qurilish materiallari, buyumlari va konstruksiyalari zarur bo‘ladi. 

---

179 
Shu nuqtai-nazardan qurilish materiallarini ishlab chiqarish texnologiyasini 
takomillashtirish, uning xossalarini yaxshilash, yuqori samarador buyum va 
konstruksiyalarni ishlab chiqarish muhim ahamiyatga egadir. Shuningdek, 
malakali mutaxassisliklarni tayyorlash, ularni materialshunoslik, buyum va 
konstruksiyalarni ishlab chiqarish texnologiyasi asoslari bilan chuqur tanishtirish 
va ko‘nikmasini shakllantirish asosiy masalalardan biri hisoblanadi. 
Ta’lim yo‘nalishi negizidagi ushbu mutaxassislikning vazifasi-talabalar 
bilimini yanada chuqurlashtirish, zamon talablariga javob beradigan yuqori 
malakali mutaxassislarni tayyorlashni nazarda tutadi. 
5340500-“Qurilish materiallari, buyumlari va konstruksiyalarini ishlab 
chiqarish” ta’lim yo‘nalishining o‘quv rejasiga asosan quyidagi “Qurilish 
materiallari va buyumlari”, “Bog‘lovchi moddalar”, “Beton to‘ldiruvchilari 
texnologiyasi”, “Beton va temirbeton texnologiyasi”, “Pardozlash va issiqlik 
izolyatsiya materiallari” ixtisoslik fanlaridan nazorat savollari shakllantirilgan. 
Ushbu fanlar negizida qamrab olingan ma’lumotlar quyidagi alohida-alohida 
keltirilgan.