1 O‟zbekiston respublikasi oliy va o‟rta maxsus ta‟lim vazirligi

33 
(xayriya 
jamg‟armasi), 
“Kamalak” 
(matbaa 
birlashmasi), 
“G‟uncha”(bog‟cha),  “Botanika”(sanatoriy),  “Qutluq  qon”(roman), 
“Dilorom”(opera), 
“Tanovar”(kuy), 
“Ozodlik”(haykal), 
“Jasorat”(yodgorlik), “Sino” (sovutgich) kabi. 
70.  Muhim  tarixiy  sana  va  bayramlarning  nomlari  tarkibidagi 
birinchi so'z bosh harf bilan boshlanadi: Mustaqillik kuni, Xotira kuni, 
Ramazon hayiti, Navro'z bayrami kabi. 
71.  Davlatlarning,  davlat  oliy  tashkilotlari  va  mansablarning, 
xalqaro  tashkilotlarning  nomidagi  har  bir  so'z  bosh  harf  bilan 
boshlanadi:  O'zbekiston  Respublikasi,  Rossiya  Federatsiyasi,  Misr 
Arab  Respublikasi,  O'zbekiston  Respublikasi  Prezidenti,  O'zbekiston 
Respublikasi  Oliy  Majlisining  Raisi,  O'zbekiston  Respublikasi  Oliy 
Sudining  Raisi,  Birlashgan  Millatlar  Tashkiloti,  Jahon  Tinchlik 
Kengashi kabi. 
Boshqa  tarkibli  nomlarda  oliy  mansabni  bildiruvchi  birinchi 
so'zgina  bosh  harf  bilan  boshlanadi:  Bosh  vazirning  o'rinbosari; 
Mudofaa  vaziri,  Yozuvchilar  uyushmasi,  O'zbekiston  Milliy  tiklanish 
demokratik partiyasi kabi. 
Vazirliklar  va  idoralar,  korxonalar  va  tashkilotlar  nomi  tarkibidagi 
birinchi  so'z  bosh  harf  bilan  boshlanadi:  Sog’liqni  saqlash  vazirligi, 
Fan  va  texnika  davlat  qo'mitasi,  Fanlar  akademiyasi,  Tilshunoslik 
instituti kabi. 
72. Davlatning oliy darajali  mukofoti nomi tarkibidagi har bir so'z 
bosh harf bilan boshlanadi: „O'zbekiston Qahramoni” (unvon) „Oltin 
Yulduz"  (medal).  Boshqa  mukofotlar,  faxriy  unvonlar,  nishonlar 
nomidagi birinchi so'zgina bosh harf bilan boshlanadi: „Sog’lom avlod 
uchun"  (orden),  „O'zbekistonda  xizml  ko'rsatgan  fan  arbobi”  (faxriy 
unvon), „Matbaa a'lochisi" (nishon) kabi. 
73.  Gapning  birinchi  so'zi  bosh  harf  bilan boshlanadi: Yer  tagidan 
Muqaddasga bir qarab oldim (O. Yoqubov). 
74. 
Tarkibli nomlarning bosh harfidan iborat qisqartmalar,  atoqli 
ot  bo'lmagan  ba'zi  birikmalarning  qisqartmalari  bosh  harf  bilan 
yoziladi:  AQSH  (Amerika  Qo'shma  Shtatlari),  BMT  (Birlashgan 
Millatlar Tashkiloti), AES (atom elektr stansiyasi) kabi. Qisqartma ot 
tarkibida bo'g'inga teng qism bo'lsa, uning birinchi harfigina bosh harf 
bilan yoziladi: ToshDTU (Toshkent davlat texnika universiteti) kabi. 
 
 

34 
34 
16-mashq.  
Gaplarni  ko‟chiring.  Bosh  harflar  bilan  yozilgan  so‟z  va  so‟z 
birikmalarini qaysi qoidaga muofiqligini aniqlang.  
1.  E.  Vohidov  va  A.Oripov  kabi  iste‟dodli  adiblarimiz 
“O‟zbekiston  Qahramoni”  unvoniga  sazovor  bo‟lishgan.  2. 
E.Vohidovning  “Nido”  dostoni  o‟ta  ta‟sirli  yozilgan.  3. 
A.Avloniyning  “Turkiy  guliston  yoxud  axloq”  asari  1913-yilda 
yozilgan.  4.  Do‟stimning  opasi  SamDUda  o‟qiydi.  6.  Hurmatli 
K.Akobirov Sizni bu kungi tantanali visol oqshomiga taklif etamiz. 7. 
Mahmud  Qoshg‟ariyning  “Devonu  lug‟atit  turk”  asari  O‟rta  Osiyo 
turkiy tillarining eng bebaho yodgorligidir. 
 
I  topshiriq.  Bosh  harf  bilan  yoziladigan  geografik  joy  nomi, 
taxallus,  tashkilot,  orden,  medal,  adabiy  asar,  mahsulot  nomlariga 
10tadan misol yozing. 
 
Qisqartma so‟zlar haqida bilib oling.  
So‟z  qismlarini  qisqartirish  yo‟li  bilan  hosil  bo‟lgan  so‟zlar 
qisqartma deyiladi. Qisqartma otlarning yozilishi quyidagicha: 
1.  So‟zlarning  birinchi  harfidan  tuziladigan  qisqartma  so‟zlarning  
har  bir  tovushi  bosh  harf  bilan  yoziladi  va  ularning  orasida  nuqta 
qo‟yilmaydi: BMT, MDH, EHM va b. 
2.  Qisqartma  tarkibida  bo‟g‟inga  teng  qism  bo‟lsa,  uning  birinchi 
harfigina  bosh  harf  bilan  yoziladi:  Tosh  DTU  (Toshkent  davlat 
texnika instituti), BuxDU (Buxoro davlat universiteti) 
Izoh:  Ism,  ota  ismi,  familiyalar  yoki  ularning  bir  qismi 
qisqartirilishi  mumkin:  A.Fitrat,  Z.M.Bobur.  o‟qishda  ular  to‟la  nom 
bilan  aytiladi.  Bularga  nisbatan  shartli  qisqartmalar  birikmasi 
qo‟llaniladi. 
 
17-mashq.  
Berilgan qisqartma so‟zlarni o‟qib ko‟ring va to‟liq holda ko‟chirib 
yozing. 
AQSH,  O‟ZMU, MDH, XXP, EHM, SamPI, QarDU, AYQSH 
 
Esda  saqlang:  qisqartma  so‟zlarning  talaffuziga  e‟tibor  bering: 
BMT(Be em te), MDH (Em de ha) va b. 
 

35 
35 
II topshiriq. Qisqartma so‟zlar ro‟yxatini tuzing. 
 
Mavzuni mustahkamlash uchun savol va topshiriqlar: 
1.  Turli  faxriy  unvon  va  ordenlarga  sazovor  bo‟lgan  kishilar 
nomini sanang. 
2.  Yozuvchi va shoirlar taxallusini ayting. 
3.  Qaysi shahar va tumanlarda bo‟lgansiz? 
4.  Qaysi dengiz, daryo, kanal, ko‟l nomlarini bilasiz? 
5.  Qisqartma so‟zlar qaysi usullarda hosil bo‟ladi? 
6.  Atoqli  otlar  va  bosh  harflar  imlosi  bir  hodisami,  ularning  farqi 
nimada? 
 
Adabiyotlar: 
1. Каримов  И.А.Баркамол  авлод  –  Ўзбекистон  тараққиѐти 
пойдевори. Тошкент. 1998. 
2. Abdurahmonov  G‟.,  Rustamov  H.  Ona  tili.  10-sinf  uchun 
darslik. Toshkent, “O‟qituvchi ”, 2004. 
3. Rafiyev  A.,  G‟ulomova  N.  Ona  tili  va  adabiyot.  Toshkent, 
“Sharq”, 2009. 
4. O‟zbek tilining imlo lug‟ati. A.Hojiyev tahriri ostida. . Toshkent,  
“O‟qituvchi ”, 1997. 
 
Mavzu bo‟yicha testlar: 
1.Qaysi hukm noto‟g‟ri 
A)  Gapning  birinchi  so‟zi  bosh 
harf bilan boshlanadi 
B) Muhim tarixiy sana va bayram 
nomlarining  har  bir  so‟zi  bosh 
harf bilan yoziladi 
C)  Yer,  quyosh,  so‟zlari,  planeta 
ma‟nosida  kelsa,  bosh  harf  bilan 
yoziladi 
D)  Siz,  o‟zingiz  so‟zlari  hurmat 
ma‟nosida  kelsa,  bosh  harf  bilan 
yoziladi 
2.  Noto‟g‟ri  yozilgan  so‟zlar 
qatorini toping. 
A) Katta Farg‟ona Kanali 
B) Markaziy Osiyo davlatlari 
C) “Oltin Yulduz” medali 
D)  “O‟zbekiston  Qahramoni” 
unvoni 
3.  Noto‟g‟ri  yozilgan  so‟zlar 
qatorini toping. 
A) Tilshunoslik instituti 
B) Bosh vazirning o‟rinbosari 
C)  O‟zbekiston  Milliy  Tiklanish 
demokratik partiyasi 
D) Jahon Tinchlik Kengashi 
4. Qisqartma so‟zlarni toping. 
A) boychechak, oqtosh 
B) Xotira kuni, Ramazon hayiti 
C) gultojixo‟roz, “Bobur” bog‟i 

36 
36 
D) pedkollej, avtoqism 
5.  Qisqartma  so‟zlar  haqidagi 
qaysi fikr to‟g‟ri 
A)  qisqartma  so‟zlar  orasiga 
nuqta qo‟yiladi 
B)  qisqartma  so‟zlar  lug‟ati 
mavjud emas 
C)  qisqartma  so‟zlar  bo‟g‟indan 
bo‟g‟inga ko‟chishi mumkin 
D)  har  qanday  birlikni  qisqartma 
so‟zga aylantirish mumkin 
 
 
8-MAVZU: TINISH BELGILARI IMLOSI 
 
Reja: 
1.  O‟zbek tilida tinish belgilari. 
2.  Tinish belgilarining og‟zaki va yozma nutqdagi ahamiyati. 
3.  Tinish belgilarining ishlatilish o‟rinlari. 
 
Mavzuga  bog‟liq  tayanch  tushunchalar:  tinish  belgi, 
punktuatsiya,  nuqta,  vergul,  nuqtali  vergul,  ikki  nuqta,  ko‟p  nuqta, 
so‟roq,undov, qavs, tire, qo‟shtirnoq. 
 
18-mashq.  
Tinish  belgilarining  ishlatilish    sababi,  gapning  ohangi  va 
mazmunini izohlab bering. 
1.  Oh…  Qanday  soz,  chiroyli  bu  uy!  Qara  bizga,  ey  ulug‟  jahon, 
bunday quvvat go‟zallik qayda! (H.Po‟lat) 2. – Qani so‟zla, ishlaring 
yaxshimi,  do‟stlar  qalay,  adabiyotda  nima  yangiliklar  bor?  –  so‟radi 
Ahmad  Husayn.  (Oybek)  3.  Qoramtir,  pushti,  qo‟ng‟ir  bulut 
karvonlari  Sharqqa  qarab  shoshilar  edi.(P.Tursun)  4.  Alisher  Navoiy 
Astrobodga  jo‟nab  ketdi,  ammo  uni  xalq  hech  qachon  unutmaydi. 
(Oybek) 
Bilib oling. 
O‟zbek  tilida  10  ta  tinish  belgisi  bo‟lib,  tinish  belgilari,  ularning 
ishlatilish 
o‟rinlarini 
o‟rgatadigan 
tilshunoslikning 
bo‟limi 
punktuatsiya deyiladi. Punktuatsiya lotincha punctum – nuqta so‟zidan 
olingan. Punktuatsiya sintaksis bilan uzviy bog‟liq.  
Nuqta quyidagi o’rinlarda qo’llaniladi: 
1.  Tinch  ohang  bilan  aytilgan  darak,  buyruq  va  undov  gaplardan 
keyin: Bahor erta keldi. 

37 
37 
2.  Birinchi  qismida  nuqta,  ko‟p  nuqta,  undov  yoki  so‟roq  belgisi 
bo‟lgan  ko‟chirma  gaplar  o‟rtasida  kelgan  muallif  gapidan  so‟ng: 
“O‟rtoqlar,  hozir  eng  hal  qiluvchi  palla!”–deb  nutqini  davom  ettirdi 
O‟ktam. – dalalarda mehnatni, musobaqani qizitish pallasi”. (Oybek) 
3.  Qisqartirilgan  ism,  familiyalarning  birinchi  harfi  yoki  qismidan 
keyin: A.Qod. (Abdulla Qodiriy) 
4.  Sanash  yoki  ayrim  fikrning  qismlarini  ifodalagan  va  oy,kun, 
yillarni  bir-biridan  ajratish  uchun  qo‟llanilgan  raqam  yoki  harflardan 
keyin: 8.IX.2011 kabi. 
So’roq belgisining qo’llanish o’rni quyidagicha: 
1.  So‟roq  belgisi  so‟roq  gaplardan  keyin  qo‟llaniladi:  Kinoga 
borasanmi? 
2.  So‟roq  gaplar  bittadan  ko‟p  bo‟lib  ketishi  mumkin,  bunday 
paytlarda so‟roq belgisi quyidagicha qo‟yiladi: 
a) 
so‟roq  gapning  har  biriga  ahamiyat  berish  lozim  topilsa  yoki 
qaysi so‟roq gap mazmuniga ko‟ra mustaqil bo‟lsa,  har biridan so‟ng 
so‟roq  belgisi  qo‟yiladi:  Qishloqdagilar  qanday?  Og‟aynilar  yaxshi 
yurishibdimi? 
b) 
agar  so‟roq  gaplar  mazmunan  umumiy  bir  fikrni  ifodalasa, 
so‟roq  belgisi  eng  so‟nggi  gapdan  keyin  qo‟yiladi:  –Tag‟in  mehmon 
boshlab keldingizmi? Kim kelyapti: Sarvimi, Rahbarmi, yo akangning 
bolalarini yetaklab kelyapsanmi? 
Undov belgisining qo’llanish o’rinlari quyidagicha: 
1.  Kuchli  his-hayajonni  ifodalagandan  so‟ng:  Hayot  naqadar 
go‟zal! 
2.  Buyurish,  tilak,  orzu  ma‟nolarini  ifodalagan  gaplardan  so‟ng: 
Tezda ko‟chaga chiqing! 
3.  Gap 
boshida 
kelib, 
kuchli 
his 
hayajon 
ifodalagan 
undalmialardan, undov hamda ha va yo’q so‟zlaridan so‟ng: Do‟stlar! 
Bizga  ishoning.  Yo‟q!  Rustam  bunday  qabihlikka  bormaydi  hech 
qachon! 
Ko’p nuqta quyidagi o’rinlarda qo’yiladi: 
1.  Fikrning  tugallanganligini,  so‟zlovchining  hayajonlanib  yana 
nimadir aytmoqchi ekanligini ko‟rsatish uchun: Agar hozir gapingizni 
to‟xtatmasangiz… 
2.  Ba‟zan  ko‟p  nuqta  so‟zlovchining  o‟ylashi,  mulohaza  qilishini 
ko‟rsatadi: Bugun …bugun oldingizga o‟tsam bo‟ladimi? 

38 
38 
3.  Ba‟zan  kimningdir  savoliga  javob  bermay  indamay  turishini 
ko‟rsatish uchun ham ko‟p nuqta qo‟yiladi: 
-  Gapimga rozimisan? 
-  … 
4.  Biror  so‟z  yoki  gapning  tushuntirilganligini  ko‟rsatish  uchun  : 
Bugun yettinchi bo‟limga kelib, …fig‟oni oshdi. 
Vergul quyidagi hollarda ishlatiladi: 
1.  Uyushiq  bo‟laklar  orasida:  a)  bog‟lovchisiz  birikkan  uyushiq 
bo‟laklar  orasida:  Andijon,  Namangan,  Qo‟qon,  Marg‟ilon  – 
O‟zbekistonning  chamani,  boy  bo‟stoni.  b)  takrorlanuvchi 
bog‟lovchilar  bilan  birikkan  uyushiq  bo‟lakalar  orasida:  u  goh 
kulimsiraydi,  goh  chuqur  uyga  toladi.    d)  zidlov  bog‟lovchilari  bilan 
birikkab uyushiq bo‟laklar orasida: Zamiraning baland, ammo  mayin 
ovozi bor edi. 
2.   Undalmalarni 
ajratish 
uchun: 
Yurak, 
sensan 
mening 
sozim.(U.Nosir) 
3.  Kirish  so‟zlarni  ajratish  uchun:  Xullas,  ertaga  shu  yerda 
yig‟iladigan bo‟ldilar. 
4.  Ha  va  yo’q    so‟zlarini  gap  bo‟laklaridan  ajratish  uchun:  Ha,  nu 
gapingiz to‟g‟ri. 
5.  Bog‟lovchisiz  bog‟langan  qo‟shma  gaplarda:  Bahor  keldi, 
gullarochildi. 
Nuqtali vergul quyidagi o’rinlarda qo’yiladi: 
1.  O‟z  ichida  vergul  bo‟lgan  yoyiq  uyushiq  bo‟laklar  orasida: 
Bozordan olma, anor; pista, bodom sotib oldik. 
2.  O‟z  ichida  vergul  bo‟lgan,  mazmunan  ma‟lum  darajada 
mustaqillikka ega sodda gaplar orasida hamda har xil turdagi gaplarni 
o‟z ichiga olgan qo‟shma gaplarda: Bir joyda turganimda deyarli fikr 
qilolmayman;  tanam  hamma  vaqt  harakatda  bo‟lishi  kerak,  ana 
o‟shanda aqlim ham harakatga keladi. (J.J.Russo) 
 Ikki nuqtaning qo’llanish o’rinlari quyidagicha: 
1.  Uyushiq  bo‟laklardan  oldin  kelgan  umumlashtiruvchi  so‟zdan 
so‟ng:  yig‟ilishda  tajribali  ishchilar:  Salim  aka,  Abdukarim  aka  va 
Sobirjonlar so‟zga chiqdi.  
2.  Bog‟lovchisiz  qo‟shma  gaplarda  biror  gap  boshqa  gapni 
izohlasa,  uning  sababi  yoki  natijasini  ko‟rsatsa:  Abror  qizni  darrov 
tanidi: u qo‟shni mahalladagi do‟konda ishlar edi. 

39 
39 
3.  Ko‟chirma  gapdan  oldin,  muallif  gapidan  so‟ng:  Bobom  dedi: 
“Uzoq yasha, bolam.” 
Tire quyidagi o’rinlarda qo’llaniladi: 
1.  Ot,  son,  olmosh  va  harakat  nomi  bilan  ifodalanib,  kesim  bilan 
bog‟lamasiz birikkan ega va kesim orasida: Yashash – mehnat qilish. 
2.  Uyushiq  bo‟laklardan  so‟ng  kelgan  umumlashtiruvchi  so‟zdan 
oldin: Uy-joy, mol-hol – barchasi senga qolsin. 
3.  Kirish  gap  bilan  gap  bo‟laklari  orasida:  Tunov  kungi  ovchi  – 
men uni o‟rmonda uchratib qoldim – menga qiziq bir voqeani so‟zlab 
berdi.  
4.  Muallif gapi bilan ko‟chirma gap orasida:  –Bugun kelasizmi?  – 
so‟radi qizi. 
5.  Dialog tilidagi ko‟chirma gaplarda: – Keldimi? –Keldi. 
6.  Zid  ma‟noli  bog‟lovchisiz  qo‟shma  gaplar  orasida:  Jismimiz 
yo‟qolur – o‟chmas nomimiz. 
Qavsning qo’llanish o’rinlari quyidagicha: 
1.  Ifodalanayotgan  fikrga  yoki  uning  biror  bir  qismiga  izoh 
beruvchi  so‟z  yoki  iboralar  qavsga  olinadi:  Anvar  (sen  uni  taniysan) 
chempion bo‟ldi. 
2.  Misol  yoki  ko‟chirmaning  manbaini  ko‟rsatishda:  Bir  qarg‟a 
bilan qish kelmas.(Maqol) 
 
Qo’shtirnoq quyidagi hollarda ishlatiladi: 
1.  Ko‟chirma gapni ajratib ko‟rsatish uchun: “To‟g‟ri gapir”, –dedi 
do‟stim. 
2.  Ko‟chma  ma‟nodagi  so‟zlar,  shartli  nom  yoki  taxallus 
ma‟nosidagi  ayrim  so‟z    va  so‟z  birikmalari  ham  qo‟shtirnoqqa 
olinishi mumkin: Paxtakorchilar “dushman” darvozasiga to‟p surishdi. 
“Lochin!” “Lochin!” “Parvoz”ni eshit. 
 
19-mashq. 
Kerakli  o‟rinlarda  vergulni  qo‟ying  va  qo‟yilish  sababini 
tushuntiring. 
1. Hech kim telefon qilmadi hech kim so‟ramadi ham. 2. Darvoqe 
o‟sha  rasm  haqida  eshitganmisiz?  3.  Dunyoni  qizg‟anma  mendan 
azizim. 4. Xo‟p biz ketdik xola.  
 

40 
40 
I topshiriq. Uyushiq bo‟lakli gaplar tuzing, kerakli tinish belgilarni 
qo‟ying. 
 
20-mashq. 
Quyidagi savollarga javob bering va topshiriqlarni bajaring. 
1.  Ikki  nuqta  va  nuqtali  vergulning  qo‟llanish  o‟rinlari  haqida 
gapiring va misollar yozing. 
2.  Undov  so‟zlar  ishtirok  etgan  gaplar  tuzing  va  tinish  belgilarni 
qo‟ying. 
3.  Gapning  ajratilgan  bo‟laklari  qo‟llangan  gaplar  tuzib,  tinish 
belgilarini qo‟ying. 
 
Mavzuni mustahkamlash uchun savol va topshiriqlar: 
1.  Nuqta hamda vergulning qo‟yilish o‟rinlarini ayting. 
2.  Tire va defies (chiziqcha)ning farqi nimada? 
3.  Qavs va qo‟shtirnoq qaysi o‟rinlarda ishlatiladi. 
4.  So‟roq, undov belgilarining ishlatilish o‟rinlari haqida gapiring. 
 
Adabiyotlar: 
5. Каримов  И.А.Баркамол  авлод  –  Ўзбекистон  тараққиѐти 
пойдевори. Тошкент. 1998. 
6. Abdurahmonov  G‟.,  Rustamov  H.  Ona  tili.  10-sinf  uchun 
darslik. Toshkent, “O‟qituvchi ”, 2004. 
7. Rafiyev  A.,  G‟ulomova  N.  Ona  tili  va  adabiyot.  Toshkent, 
“Sharq”, 2009. 
8. O‟zbek tilining imlo lug‟ati. A.Hojiyev tahriri ostida. . Toshkent, 
“O‟qituvchi”, 1997. 
 
Mavzu bo‟yicha testlar: 
 
1.  Bog‟dagi  barcha  qushlar// 
bulbul,  to‟ti,  sa‟va  unga  jo‟r 
bo‟ldi.  Ushbu  gapdagi//  belgisi 
o‟rnida  qanday  tinsh  belgisi 
qo‟yiladi. 
A) tire      
B) vergul        
C) ikki nuqta     
D) nuqtali vergul 
2.  Undalmalar  qanday  tinish 
belgilari bilan ajratiladi? 
A) faqat vergul     
B) vergul, undov   
C) vergul, ikki nuqta     
D) nuqta, vergul 

41 
41 
3.  Bog‟lovchisiz  qo‟shma  gap 
qismlari 
orasida 
zidlash, 
o‟xshatish,  shart,  payt    ma‟nolari 
bo‟lsa,  qanday  tinish  belgi 
qo‟yiladi? 
A)  nuqtali  vergul          B)  vergul       
C) ikki nuqta    D) tire 
4.  Kinoyali  so‟zlar  yozuvda 
qanday  tinish  belgilari  bilan 
ajratiladi? 
A)  hech  qanday  tinish  belgi 
qo‟yilmaydi 
B) ikki nuqta       
C) qo‟shtirnoq  
D) qavs 
5.  Buyruq  gaplar  oxirida  qanday 
tinish belgi qo‟yiladi? 
A) nuqta       
B) undov       
C) nuqta, undov   
D) undov, so‟roq 
 
                                      
9-MAVZU.  SO‟Z QUDRATI 
 
                                                          Reja: 
 
1.  So‟zlash madaniyati. 
2.  So‟z tanlash mahorati. 
3.  So‟zdan so‟zni farqi bor, 72 naqdi bor. 
                   
Mavzuga  bog‟liq  tayanch  tushunchalar:  so‟z,  so‟zlash 
madaniyati, so‟z qudrati, so‟zning tashqi va ichki tomoni, so‟zning 
o‟z va ko‟chma ma‟nosi. 
 
       21-mashq.  
 So‟z    va  nutq  odobi  bo‟yicha  aytilgan  quyidagi  fikrlarni 
sharxlang. 
1.  So‟zni  ko‟nglungda  pishqormaguncha  tilga  keltirma,  harnakim 
ko‟nglungda  bo‟lsa,  tilga  surma.  (A.  Navoiy)  2.  Nutq  madaniyati 
bu,  avvalo,  fikrlash  madaniyatidir.  (D.  E.  Rozental)  3.  Bilgilkim, 
hamma hunardan so‟z hunari yaxshi. ( Kaykovus) 4. So‟z kuchidan 
yiqilar  minbar  ham,  dor  ham,  so‟z  birla  chiqar  indan  ilon-murdor 
ham. (Abu Shukur Balxiy) 5. Har bir kishining madaniylik darajasi 
o‟qib  qanchalik  tarbiya  ko‟rganligi  uning  yozma  va  og‟zaki 
nutqidan  bilinadi,  (S.  Ibrohimov)  6.  Bir  deganni  ikki  demak  xush 
emas, so‟z chu takror topti dilkash emas. (A. Navoiy) 

42 
42 
Esda saqlang: 
O‟zbek  tilida,  avvalo,  uning boy  lug‟at  tarkibida  o‟zbek  xalqining 
ilm-u madaniyati, san‟ati aks etgan, insonning bilish faoliyati jarayoni 
va  uning  natijalari  ifodalangan  .  Asosiy  lug‟aviy  birlik  hisoblangan 
so‟z  orqali  kishilik  jamiyatining  madaniy-tarixiy  qadriyatlari, 
to‟plangan tushuncha va bilimlar avloddan avlodga yetkaziladi. 
        So‟z  shakli  va  mazmun  yaxlitligiga  ega  bo‟lib,  ma‟no  va 
gramatik jihatdan shakllangan bo‟ladi. 
       So‟zning  shakli,  ya‟ni  tashqi  tomoni  tovush  (harf)lardan  iborat 
bo‟lib, bu xususiyatlari fonetikada o‟rganiladi. So‟zning ichki tomoni 
esa unda ifodalangan ma‟nolar bilan tavsiflanadi. So‟zlar bir ma‟noli 
yoki  ko‟p  ma‟noli  bo‟lishi  mumkin.  Ko‟p  ma‟noli  so‟zlar  til 
taraqqiyoti natijasida paydo bo‟ladi.  
      Ajdodlarimiz  qadimdan  to‟g‟ri,  ta‟sirchan,  chiroyli  gapirishga 
intilish  va  ularni  odatga  aylantirishga  ma‟rifiy-axloqiy  talab  sifatida 
qarab  kelganlar.  So‟zni  qadrlash,  yaxshi  so‟zlay  olish,  tilni  tiyish, 
suhbat  sirlarini  saqlash,  ezma  va  vaysaqi  bo‟lmaslik  kabilarga  amal 
qilish  nutq  odobining  asosiy  talablari  hisoblangan.  Nutqiy 
muomaladagi  bu  odatlar  xalqimizning  mangu  an‟anasi  sifatida 
yashagan va takomillashib kelmoqda. 
         
 I  topshiriq.    “Nutq  qudratli  kuch:  u  ishontiradi,  undaydi, 
majbur etadi”.  
(P. Emirson) Mazkur fikr haqida og‟zaki matn tuzing.   
   
22-mashq.  
Quyidagi maqollarni davomini toping. 
1.  Oz so‟z– … 
2.  Yaxshi gap jon ozig‟i–,… 
3.  Aytilgan so‟z –... 
4.  Qilichning zahri ketsa ham –,… 
5.  Otalar so‟zi –... 
6.  Tilni bilish – ... 
7.  Aytar so‟zni ayt–,… 
8.  Ko‟p bilgan oz so‟zlar–,… 
9.  Gapni oz so‟zla–,… 
10.  Yaxshi gap bilan–… 
 

43 
43 
 II topshiriq. “Aql charxi” o‟yinini tashkil eting. Unda quyidagi 
hazilnoma 
savollardan foydalaning: 
 
1. Dengiz ostida qanday tosh bo‟lmaydi? (quruq tosh). 
2. Qaysi joyda osmon past bo‟ladi? (suvda). 
3.  Qora  mushuk  qay  vaqt  uyga  osongina  kira  oladi?  (eshik  ochiq 
bo‟lsa). 
4. Qozonga birinchi nima solinadi? (nazar). 
5. Dunyoda nima chaqqon? (fikr). 
6. Nima hamma tilda ham gapiradi? (aks-sado). 
7. Odamzodda nima ko‟p? (umid, reja). 
8. Yumuq ko‟z bilan nimani ko‟rish mumkin? (tush). 
9.  Yomg‟ir  yog‟ib  turganda,  qarg‟a  qanday  daraxtga  qo‟nadi?  (ho‟l 
daraxtga). 
10. Mushuk nega miyovlaydi? (gapirib bilmagani uchun). 
            
 III topshiriq.    Yuqoridagi kabi hazil so‟roqlardan 5 ta tuzing. 
         
 23 -mashq. 
 Alisher  Navoiyning  “Mahbub  ul-qulub”  asaridan  so‟z  ta‟rifi 
bo‟limini o‟qib quyidagi savollarga javob bering.  
1.  “Suvning  mazasi  muz  bilan,  oshning  mazasi  tuz  bilan,  odam 
yaxshiligi so‟z bilan” jumlasini sharhlang. 
2.  …”Chin  so‟z  mo‟tabar,  yaxshi  so‟z  muxtasar…”  jumlasi  orqali 
qanday fikr ilgari surilgan? 
3. “Yolg‟on so‟z baxtsizlik keltirur…” jumlasini izohlang. 
 
IV topshiriq.  Alisher Navoiyning quyidagi she‟riy parchalarini 
sharhlab, so‟z va so‟zlash odobi bo‟yicha matn tuzing. 
1. Har kimki chuchuk so‟z elga izhor aylar,  
    Har neki ag‟yor durur yor aylar, 
    So‟z qattig‟i el ko‟ngliga ozor aylar. 
    Yumshog‟i ko‟ngullarni giriftor aylar.  
                               (“Nazm ul-javohir”dan) 
 
2. Qaysi majlisdakim eshitsang so‟z, 
    Bilgil ul so‟z sanga omonatdur, 

44 
44 
    Gar ani o‟zga yerga naql etsang, 
    Ul omonatga bu xiyonatdur. 
                               (“Arbain”dan) 
 
3. Xiradmand chin so‟zdan o‟zga demas, 
    Vale bari chin ham degulik emas. 
    Kishi chinda so‟z zebo, durur 
    Necha muxtasar bo‟lsa, avlo durur. 
                               (“Mahbub ul-qulub”dan)