Toshkent tibbiyot akademiyasi huzuridagi harbiy-tibbiyot fakulteti

Razvedka-qidiruv harakatlari
hududni qurshovga olish yakunlangach yoki 
mas'uliyatiga biriktirilgan zonada reja asosidagi harakatlarni olib borish mobaynida 
o„tkazilishi mumkin. Vaziyat sharoitlari va olingan vazifaning shartlaridan kelib 
chiqqan holda motoo„qchi (tog„-o„qchi) va razvedka bo„linmalari yalpi yoki tanlab 
olib boriladigan qidiruv ishlarini o„tkazishda, shuningdek, vertolyotlardagi 
razvedka-qidiruv harakatlarida ishtirok etishlari mumkin.
Qidiruv
- dushman ob‟ektini aniqlash maqsadida joyni ketma-ket ko„zdan 
kechirish.
Yalpi qidiruv butun hududda bir vaqtning o„zida yoki uning uchastkalari 
bo„ylab ma'lum ketma-ketlikda o„tkaziladi. Birinchi holatda qidiruv bir yo„nalishda 
(bir tomonlama qidiruv), ikki yo„nalishda (parallel va qarama-qarshi qidiruv) yoki 
qidiruv hududining markaziga eltuvchi bir nechta yo„nalishlarda olib borilishi 
mumkin. Ikkinchi holatda avval dushman bo„lishi ehtimoli bo„lgan uchastkadagi 
tabiiy joy (hududdagi qidiruv), so„ngra esa mazkur hududning alohida uchastkalari 
ko„zdan kechiriladi.
Tanlab olib boriladigan qidiruv uni yalpi ko„zdan kechirish imkonini 
bermaydigan yoki buni qiyinlashtiradigan tabiiy joy sharoitlarida (tog„li joy, 
o„tkazilgan daraxt ko„chatlari, aholi punktlari va hokazolar), kuch va vositalar 
yetarli bo„lmaganda, shuningdek, mazkur hududda dushmanning mavjudligi 
haqidagi ma'lumotlar tasdiqlanganda o„tkaziladi.
Qidiruv ishlari ma'lum hududlarda jangarilarning tayyorlangan va 
konservalangan bazalari, ularning boshqaruv punktlari, qurol, o„q-dori va moddiy 
texnik ta‟minot vositalari omborlarining (ko„mib qo„yilgan, maxfiy joylarining) 
mavjudligi haqidagi razvedka ma'lumotlarini qo„lga kiritish maqsadlarida qurolli 
mojaroning oldini olish bosqichida ham o„tkazilishi mumkin.

---

213 
Qidiruvni olib borayotgan bo„linmalar uchun quyidagilar tayinlanadi: 
boshlang„ich hudud, qidiruv uchun boshlang„ich marra, qidiruv yo„nalishi 
(chizig„i), maksimal olg„a siljish marrasi, so„nggi marra va qidiruv uchastkasining 
(hududining) chegaralari. Zaruratga ko„ra, qo„shimcha ravishda, shuningdek, 
uchrashuv marrasi va yaxshi ko„rinib turadigan mo„ljallar bo„yicha yoki 1,5-2 
soatlik qidiruvdan so„ng belgilanadigan tenglashtiruv marralari tayinlanishi 
mumkin.
Razvedka-qidiruv harakatlarini o„tkazish mobaynida yopiq tabiiy joydagi 
qidiruv fronti motoo„qchi vzvod uchun