Jinoyat oraliq 1

Jinoyat sodir qilish quroli
– shaxs jinoyat predmetiga yoki shaxsga bevosita ta’sir 
ko‘rsatish uchun foydalangan moddiy ashyo. Ya’ni aybdor jinoyat qonuni bilan 
qo‘riqlanadigan ob’ektga zarar yetkazish maqsadida foydalangan moddiy ashyo tushuniladi.
Jinoyat sodir qilish vositasi
esa – shaxs jinoyat sodir qilishni yoki jinoyat izlarni 
yo‘qotishni osonlashtirish uchun foydalangan tashqi dunyo ne’mati.
Odatda, jinoyat sodir qilish vositasi bilan jinoyat ob’ektiga to‘g‘ridan-to‘g‘ri zarar 
yetkazilmaydi va ushbu belgi jinoyat sodir qilish vositasini jinoyat sodir qilish qurolidan 
farqlovchi asosiy xususiyat hisoblanadi. 
Jinoyat ob’ektiv tomoni fakultativ belgilari muayyan jinoyat tarkibining zaruriy va 
zaruriy bo‘lmagan belgilari bo‘lishi mumkin.

---

Agarda JK Maxsus qism moddasi dispozitsiyasida ushbu belgilar to‘g‘ridan-to‘g‘ri 
ko‘rsatilgan bo‘lsa, ular zaruriy belgi sifatida e’tirof etiladi. Fakultativ belgi jinoyatning 
zaruriy belgisi hisoblanmaganda esa, jinoyatni kvalifikatsiyasiga ta’sir etmasada, jazo 
tayinlanashda javobgarlikni og‘irlashtiruvchi yoki yengilashtiruvchi holat sifatida hisobga 
olinishi mumkin 
17.