Ozbek-Tariyx-1-70-(каракалпак). indd

Milliy valyutanıń qabıl etiliwi.
Ózbekstan mámleketlik ǵárezsizligin 
qolǵa kirgizip, óziniń milliy valyutasın aylanısqa kirgiziwge kiristi. 

---

38
Biraq bul process ushın málim waqıt, tájiriybe kerek edi. Sol sebepli, 
Ózbekstan 1991—1993-jılları burınǵı Awqamnan qalǵan rubl zonasında 
bolıp turdı. Biraq sovetlerden keyingi mákanda jalpı ishki ónim islep 
shıǵarıwdıń keskin tómenlewi nátiyjesinde rubldiń qádiri de usıǵan 
sáykes túrde túsip bardı. Ózbekstan aylanısqa jańa milliy valyuta kirgiziw 
isine keskin kiristi. 1992-jılı-aq aylanısqa shıǵarıwǵa mólsherlengen 
sum—kupon nusqaları tayarlandı hám 1993-jılı 1-noyabrde Ózbekstanda 
sum—kupon aylanısqa kirgizildi. Onıń kursı aldın aylanısta bolǵan 
rublge teńlestirilgen edi. Ózbekstan basshılıǵı sum—kuponlar tiykarında 
zárúr tájiriybe arttırdı, haqıyqıy milliy valyutanı engiziw ilajların kórdi.
Ózbekstan Respublikası Prezidentiniń «Ózbekstan Respublikasınıń 
milliy valyutasın aylanısqa kirgiziw haqqında»ǵı pármanına muwapıq, 
1994-jılı 1-iyulden baslap respublika aymaǵında birden-bir, sheklenbegen 
hám nızamlı tólem quralı sıpatında milliy valyuta—sum aylanısqa 
shıǵarılǵan.
Este saqlań!
Aylanısqa 1994-jılı 1, 3, 5, 10, 25, 50, 100 sumlıq, 1997-jılı 200 
sumlıq, 2000-jılı 500 sumlıq, 2001-jılı 1000 sumlıq, 2013-jılı 5000 
sumlıq, 2017-jılı 10000 hám 50000 sumlıq banknotlar shıǵarıldı.