O‘zbekiston respublikasi oliy va o‘rta maxsus ta‘lim vazirligi abu ali ibn sino nomidagi buxoro davlat tibbiyot instituti

Bemorlar bilan so‘zlashuvning o‘ziga xosligi.
Epilepsiya bilan kasallangan 
bemorlarning fel-atvorida o‘ziga xos xususiyatlar mavjud. Bu pedantizm, kayfiyatning 
noturg‘unligi, tez asabiylashish va hokazo. Shuning uchun hamshiraga bunday bemorlar 
bilan muloqotda bo‘lganda, so‘zlashuvning ma‘lum bir qoidalariga rioya qilishi kerak. Bu 
qoidalar o‘z ichiga quyidagilarni oladi: bemorni sabr-toqat bilan eshitish, bu ba‘zan qiyin 
bo‘lishi mumkin, chunki bemor juda sekin va ko‘p detallar bilan gapiradi, palatadagi ko‘p 
gapiradigan qo‘shnilari, o‘zining qarindoshlari bilan yuzaga kelishi mumkin bo‘lgan 
janjollarni oldini olishi kerak, hamshiradan bemorga nisbatan juda e‘tibor va bosiqlik 
talab qilinadi.Epilepsiya bilan kasallangan bemorlarda shaxsda o‘zgarish bo‘lganligi 
uchun hamshira bilan muloqotda ham tushunmovchiliklar bo‘lishini oldini olishda, 
hamshiradan bemorga nisbatan juda e‘tibor va bosiqlik talab qilinadi. Bahslashish paytida 
bemor o‘zini haqligini yoki bahsda u ―g‘olib‖ ekanligini bildirishni yaqinlariga 
tushuntirish kerak, lekin keyin bemorga maslahatlar berish kerak. Bemorda kayfiyatning 
og‘ir buzilishi (disforiya) rivojlnish xavfi borligini hech qachon unutmaslik kerak va 
birinchi yordam muolajalarini olib borish kerak. Epilepsiya bilan kasallangan bemorlar 
o‘zlariga yuqori baho beradilar, o‘zlariga nisbatan tanqid pasaygan, kichik ayblovlarni 
ham og‘ir qabul qilishlari mumkin. Bemorlarning bu xususiyatlarini hamshira hamisha 
esida tutishi kerak.