Murtazayev saidmurodxon saidaloyevich murtazayev saidalo murtazayevich bolalar fakultet terapevtik

Sut tishlarida kechadigan pulpitlarning o`ziga xos xususiyatlari 
 
Bolalar yoshida sut tishlarida kechadigan pulpitlarning doimiy tishlarnikiga o`xshash 
taraflari bor bo`lishiga qaramay ularning bir qator o`ziga xos xususiyatlari mavjud.
O`tkir pulpitlarning o`ziga xos xususiyatlari
:
1. Sut tishlarida dentin qatlamining ancha yupqaligi, dentin kanalchalarining keng va 
kaltaligi e’tiborga loyiq bo`lmagan kichik, yuza kariyeslarda ham mikroblar pulpa 
bo`shlig`iga o`tib yallig`lanish chaqirishi mumkin.
2. Sut tishlarida ildizlarning apikal – cho`qqi teshigi kengligi o`tkir diffuz pulpitlarda 
peeriodont to`qimasini ham yallig`lanish jarayoniga tortib, periodontit simptomlarini 
sodir qilishi mumkin.
3. Bolalar yoshida organizm reaktivligining yuqoriligi, turg`unligining pastligi ,
immunnologik himoya vositalarining mukammallashmaganligi o`tkir pulpitlarda ham 
organizmning umumiy ahvolini buzilishi, umumiy reaksiyalar mikroblar toksinlarning 
qon – tomirlarga tezda so`rilishi natijasida sodir bo`ladi.
4. Bolalarda limfa tomirlar sistemasining to`liq mukammallashmaganligi pulpitlarda 
tish atrofi yumshoq to`qimalarida ekssudat dimlanishi va shishlar hosil bo`lishi bilan 
kechadi.
5. Yallig`lanish jarayoni ko`pchilik hollarda yiringli ekssudat hosil bo`lishi bilan 
kechishida pulpa to`aimasida hujayra elementlari va amorf moddaning ko`pligi, tolali 
strukturalarning ozligi muhim o`rin tutadi.
6. Bir xil tishlarda har xil yoshdagi bolalarda pulpitlarning turli xil kechishi ildiz 
pulpasining yoshga nisbatan o`zgarishi bilan tushuntiriladi.