5-sinf ona tili darslarida morfologiya. O’rinbayeva T

O`yinning ikkinchi varianti 
Ushbu o`yinni uyushtirish uchun o`quvchilar uch guruhga bo`linadi. Har bir guruhga 
gap tuzish bo`yicha aniq topshiriq beriladi. So`zlar uch ustun tarzida yoziladi. 
Birinchi guruh o`quvchilari otlarni tanlaydi. Ikkinchi guruh o`quvchilari shu otga mos 
fe`l tanlab ega va kesimdan iborat sodda yig`iq gap tashkil qiladi, uchinchi guruh esa 
tuzilgan gapga uchinchi ustundan so`z qo`shib ikkinchi darajali bo`lak qo`shib gapni 
kengaytiradi,birinchi gap shu tarzda yozilgandan keyin birinchi ustundagi so`zlardan 
birini tanlash ikkinchi guruhga, uchinchi gapni tuzishda birinchi ustundan so`z 
tanlash navbati uchinchi guruhga beriladi. Shu tariqa gaplar yoziladi. Qaysi guruh 
o`ziga berilgan topshiriqni to`g`ri bajara olmasa oldingi guruh gapni to`ldirib o`qiydi 
va qo`shimcha ravishda bitta ballga ega bo`ladi. O`yin shu tarzda davom etadi. 
Buning uchun o`quvchilar 3,6,9 gap tuzishlari lozim. Chunki har bir guruhning 
bajargan vazifasi o`zaro teng bo`ladi.
So`zlar 
kitob
chiqdi 
qiziq 
Ish 
o`qidim
dalada 
quyosh 
boshlandi 
qizarib 
hamma 
yig`ildi 
maktabga
ota-onalar 
keldi 
Toshkentda 
Dilrabo
xursand bo`ldi
o`quvchilardan 

---

O`quvchilar gaplarni taxminan quyidagicha tuzishadi.
1.
Kitobni o`qidim.- Qiziq kitobni o`qidim. 
2.
Ish boshlandi.- Dalada ish boshlandi. 
3.
Quyosh chiqdi.- Quyosh qizarib chiqdi. 
4.
Hamma xursand bo`ldi.- Hamma o`quvchilar xursand bo`ldi. 
5.
Ota –onalar yig`ildi.- Ota- onalar maktabga yig`ildi. 
6.
Dilrabo keldi.- Dilrabo Toshkentdan keldi.
Bunday o`yin o`quvchilarning olgan bilimlarini amaliyotga qo`llash imkonini beradi. 
Ularning mantiqiy fikrlash qobiliyatini o`stiradi.