Microsoft Word oyna sindi ziyouz com doc

Меливой (Лазокатга). Бунинг учун зўр жойга қуда бўлиб, тарақлатиб тўй қилиш керак. 
Душманлар куйиб кул бўлсин, дўстлар қувониб яйрасин. 
Лазокат. Бизниям ниятимиз шундай. Лекин... 
Меливой. Нима лекин? 
Лазокат эрига “Сиз гапиринг” дея буйруқ қилади. 
Аброр. Ўғлимнинг ўз топгани бормиш. Лекин топгани бизга ёқмай турибди.
Меливой. Ўғлинг бекорларни айтибди, хом ўйлабди. Менинг “Ибрат” маҳалламда ота-
онасига ёқмаган қизга уйланишини хаёлига келтирган йигит бўлмаслиги, бўлса, яшамаслиги, 
маҳаллани бўшатиб қўйиши керак. Қирқ йиллик ҳаётий тажрибам шуни кўрсатдики, ўзи топиб 
уйланганларнинг ўндан тўққизтаси ўз турмушидан рози эмас, айниқса, ёши элликдан ошгач, 
турмушдан нолигани-нолиган, эри хотинини ёмонлайди, хотини эса эрини кўргани кўзи, отгани 
ўқи йўқ, агар уларни уй-жой, бола-чақа, ўғил-қиз, қуда-андалари, хуллас, эл-юртнинг 
маломатига қолиш андишаси ушлаб турмаганида, бир кун ҳам бирга яшамасдилар. Шунинг 
учун келин, куёвни ёшлар эмас, турмуш қурадиганлар эмас, турмушни қуриб, оилани яратиб 
берадиган ота-оналар топишлари керак. Чунки ёшларда эҳтирос кучли бўлиб, ақл-фаросат, 
узоқни кўзлай билиш етишмайди. Биз, ота-оналар эса ақл билан иш тутамиз. Сен, иним 
Аброржон, сиз, келиним Лазокатхон, шундай жойга қуда бўлингки, ўзингиздан кам бўлмасин, 
келиннинг бир томони кемтик бўлмасин, яъни ҳам отали, ҳам онали бўлсин, бағри бутун 
бўлсин, серуруғ бўлса, бувалари, бувилари, катта бувиларигача бўлса, амакилари, тоғалари, 
холалари, аммалари қанчалик кўп бўлса, шунча яхши, бу сизларга ҳам, қолаверса, “Ибрат” 
маҳалламизга ҳам обрў, довруғ келтиради. Ана шунда фақат тўйнинг ўзигина эмас, балки 
тўйдан кейинги куёв чорлар, қуда чақириқлар ҳам файзли ўтади. Умуман, серуруғлик яхши 
кунларда ҳам, ёмон соатларда ҳам асқотади, қаторда норинг бўлса юкинг ерда қолмайди. 
Қариндош-уруғлари кўп ва бақувват оилаларга одамлар ҳам ўйлашиб муомала қилади, унча-
бунчага туртиб-суртиб кетмайди, ҳайиқади. 
Мирсафо. Меливой ака, чинданам ичимсиз, худди мен қандай ўйласам, сиз ҳам шундай 

---

Абдуқаҳҳор Иброҳимов. Ойна синди (трагикомедия) 
www.ziyouz.com kutubxonasi 
17
фикрлайсиз. Шунинг учун ҳам сизни қора тортиб “Ибрат”дан ҳовли қилаяпман-да. Бошқа 
маҳаллаларда ҳовли-жойим бўлса-да, “Ибрат”даги иморатим битгач, шу ерга кўчиб келиб, 
сизнинг қўл остингизда яшайман. (Аброр ва Лазокатга.) Сизлар қандай бахтли одамсизлар-а, 
шундай раисингиз бор. (Меливойга) Энди қайтайлик. 
Меливой. Шошилманг, ҳали ишни пиширганимиз йўқ-ку. (Аброрга) Ўғлингга айт, 
“Ибрат”да яшайдиган бўлса, сенлар топадиганга уйлансин. Бўлмаса тўрт томони қибла... 
Ўғлинг топганини суриштирдингми?