Б. X. Madrimov

RUBOBDA TOVUSh HOSIL QILISh HAMDA MEDIATOR 
 (NOXUN) NI TO‘G‘RI UShLASh QOIDALARI 
    Qashqar  rubobida  tovushni  hosil  qilish,asosan  mediator  yordamida  bo‘ladi. 
Mediatorning  asosiy  qismi  bosh  va  ko‘rsatkich  barmoqlar  orqali  ushlanadi.mediator 
orqali rubob torlariga yuqoridan pastga va pastdan yuqoriga chertish bilan tovush hosil 
qilinadi. Mediatorni to‘g‘ri ushlash uchun o‘ng qo‘l panjasi bo‘sh saqlanib, barmoqlar 
bukib kaftga yig‘iladi, ammo musht qilinmaydi.( Rasm №2)  

---

146 
 
    
 
     Rubob  chalishni  o‘rganayotgan  dastlabki  vaqtda  mediatorni  qattiq  siqib  chalish 
yaramaydi,chunki qo‘l tezda charchab qoladi.Rubob chalish texnikasini bilib olgandan 
keyin  tovush  ustida  ishlash  tavsiya  etiladi.Rubobning  tovushi  baland  chiqishi  uchun 
mediatorni  siqib  ushlash  kerak,past  chiqarish  uchun  esa  mediatorni    bo‘shroq  ushlab 
chertish kerak. 
      Mediatorni  rubob  torlariga  urganda    shunga  e’tibor  berish  zarurki,u  torning 
xarrakka yaqin qismiga tegmasdan,xarrak bilan rubob dastasining tugagan joyi o‘rtasiga 
tegsin.Qashqar  rubobidan  chiqadigan  tovushning  nafisligi  va  yoqimliligi  mediatorning 
sifatiga  ham  bog‘liq.  Mediator  ebonitdan  yasalgan  bo‘lsa    eng  yaxshi  hisoblanadi. 
Mediatorning  bir  uchi  qirrali  va  silliq  bo‘lishi  kerak,bu  tekis  va  yoqimli  tovush 
chiqarish uchun katta imkon yaratadi.Mediatorning uzunligi  1,5-2 sm, qalinligi esa 1-
1,5 mm bo‘lishi tavsiya etiladi. (Rasm №3)