Iqtisodiy va ijtimoiy geografiya

III.6. ELEKTROENERGETIKA SANOATI 

Hozirgi  zamon  ishlab  chiqarishini  elektr  quvvatisiz  tasavvur  qilish  qiyin. 

Shu xususida, elektroenergetika sanoat tarmog‘i elektr energiyasi  ishlab chiqaradi 

va  turli  boshqa  barcha  tarmoqlar  uchun  muhim  mahsulot  yaratadi.  Shuningdek, 

ushbu sohaning o‘ziga xos xususiyati shundaki, u yaratgan mahsulotni, ya‘ni elektr 

quvvatini  jamg‘arib,  omborxonalarga  yig‘ib  bo‘lmaydi,  undan  ayni  paytning 

o‘zida, sinxron ravishda foydalanish kerak. Bundan tashqari, elektr quvvati yuqori 

kuchlanishli  elektr  tarmoqlari  orqali  uzoq  masofalarga  ham  uzatilishi  mumkin. 

Elektroenergetika  juda  muhim  tarmoq  bo‘lib,  unga  doir  misol  va  masalalarni 

ishlash  usullarini  o‘rganish  ham  ahamiyatli  hisoblanadi.  Quyida  ushbu  tarmoqqa 

doir ayrim hisob-kitoblar berilgan.