Техник ижодкорлик ва дизайн фанининг назарий (лекция) машғулотлари мазмуни

 
Mavzuni mustahkamlash uchun savollar: 
1.
 
Kashfiyot tushunchasi deganda nimani tushunasiz? 
2.
 
Kashfiyot turlarini tushuntiring? 
3.
 
Kashfiyot tushunchasining me‘yoriy sifatlarini tushuntiring ? 
 
5-MAVZU. IXTIRO, RATSIONALIZATORLIK  
VA PATENT AXBOROTI 
 
Ixtiro tushunchasi. Uning kashfiyotdan farqi 
Ixtiro - bu xalq xo`jaligini barcha tarmoqlarida texnik yechimlari 
bilan  ijobiy  natijaga  ega  bo`lgan  yangilik  hisoblanadi.  Kashfiyot  - 
ob‘yektiv  borliqni  xossalari,  hodisa  va  qonuniy  bog`liqliklar 
aniqlanadi,  ixtiro  bu  oldin  bo`lmagan  texnik  vazifalarni  yechishga 
qaratilgan.  Kashfiyot  va  ixtiro  o`rtasida  dialektik  o`zaro  bog`liqlik 
bor. Ko`p hollarda ixtiro kashfiyot natijasida olingan ilmiy bilimlarni 
rivojlantiradi. Masalan: N.G.Basov, A.M.Proxorov va Tomsonlarning 
kvant  jarayonining  qo`llashga  asoslangan  elektromagnit  to`lqinlarni 
ko`paytirish  bo`yicha  qilgan  kashfiyotlari  xalq  xo`jaligida  amaliy 
ahamiyatga ega bo`lgan ko`p ixtirolarni yaratishga sabab bo`ladi. 
Ilmiy-texnik 
hamda 
pedagogik-psixologik 
adabiyotlarda 
ixtirochilik  hamda  ixtirochilik  ijodkorligiga  ko`plab  ta‘riflar 

---

~ 36 ~ 
 
keltirilgan.  Jumladan,  I.I.Kichkin  ixtirochilikni  ilmiy  g`oyalarining 
texnik yechimlarga ijodiy tatbiqi, ilmiy texnika taraqqiyoti sur‘atlarini 
belgilovchi  asosiy  ko`rsatgich,  yangi  texnika  va  texnologiyalar 
yaratilishining  mezoni  hamda  uning  yuqori  ilmiy-texnik  darajasini 
ta‘minlovchi  omil  deb  hisoblaydi.  M.A.Vachevskiy  ―ixtiro  qilish‖  -  
qo`yilgan  masalani  yechish  uchun  eskilaridan  tubdan  farq  qiluvchi, 
odatdagi  mantiqiy  fikrlash  yo`li  bilan  yetishib  bo`lmaydigan  yangi 
samarali  texnik  yechimni  taklif  qilish‖  deb  ta‘riflaydi.  Bizning 
fikrimizcha  ixtirochilikni  tegishli  idoralar  tomonidan  patentlar  bilan 
tasdiqlanadigan yangi texnik yechimni ishlab chiqishga yo`naltirilgan 
ijodiy  faoliyat  turi,  ixtirochilik  ijodkorligini  esa  bu  jarayonning 
shaxsdagi  zehnlilik,  topqirlik,  mustaqil  va  tanqidiy  fikrlash  kabi 
ijodkorlik sifatlari bilan bog`liq umumiy tavsifi deyish mumkin.