Microsoft Word Tursunboyev S. O'zbek teatri tarixi. Majmua

M.BOBOYEV IJODI HAQIDA MAHKAM MUHAMMEDOV SHARHI 
 
O’zbekiston  san’at  arbobi  Mahkam  Muhammedov  o’zbek  televizion  teatri,  milliy 
teleseriallar  asoschilaridan  biri  sifatida  tanilgan  ijodkor.  Xususan,  ijodining  keyingi 
na’munalari  bo’lmish  ellik  seriyalik  “Ko’ngil  ko’chalari”,  A.Qodiriy  romani  asosidagi 
“Mexrobdan  chayon”  seriallar  xalqimizning  sevimli  teleasarlariga  aylandi.  Shu  qatori 
M.Muhammedov teatr rejissori sifatida ham taniqli. U san’at institutinig teatr rejissorligi 
fakultetini tugatgan (1957 yil).  
Turli  muddatlarda  Sirdaryo  (1978-1982),  Respublika  yosh  tomoshabinlar  (1982-
1985) teatrlarida bosh rejissor sifatida ishlab Cho’lponning “Asorat”, Ch. Aytmatovning 
“Oq kema” (Yosh tomoshabinlar teatri), Shekspirning “Richard III”, Gelmannig “Imzo” 
(Sirdaryo)  kabi  asarlarini  sahnaga  qo’yadi.  Ayniqsa,  Mashrab  Boboyev  bilan  olib 
borilgan izlanishlar uning hayotida chuqur iz qoldirgan.  
—  Mashrab  Boboyev  pyesalari  meni  maftun  etgani  rost.  Uning  ravon,  ammo 
zalvarli  fikrlari,  taqdir  o’yinlari,  qizim  senga  aytaman,  kelinim  sen  eshit,  qabilibdagi 
qochiriqlari  rejissorni  o’ziga  tortmay  qo’ymasdi…  Men  Mashrabning  “O’ttiz  yoshlilar” 
asarida iste’dodning yolg’izligini, “Er tomirlarida” insonning erga bo’lgan muhabbatini, 
“Iroda”da  buyriqbozlikning  illatlarini,  “Ko’ngil  ko’chalari”da  sho’ro  tuzumining 
qusurlari  tufayli  umr  shomida  tavba-tazarruga  aylangan  ko’ngillarini  ko’rganman. 
Mashrabning  she’rlari  ham  o’ziga  xos  edi,  zamirida  teran  fikrlar  yotardi.  Ko’rinishidan 
sodda,  ravon  so’zlar  tagidan  injular  topasiz,  yashirinib  yotgan  so’zlar  qalqib  chiqadi. 
Uning  she’rlarini  tanlab  “O’ttiz  yoshlilar”da  repriza  sifatida  foydalanganimda  uzukka 
ko’z  qo’yganday  bo’lib  tushgan  edi.  O’zbekiston  oltin  fondida  saqlanayotgan  bu  asar 
Rustam Xamdamov va Sharof Boshbekov ijrosida qiyomiga etgan edi. Mashrabda oddiy 
hayotiy  lavhalar  katta,  o’tkir,  uzoqni  ko’radigan,  davr  ruhini  sezadigan,  zamonning 
xarorat darajasini ilg’aydigan nayob bir fazilat bor edi. Sana’t institutida o’qigani uchun 
bo’lsa  kerek,  voqealar  tizmasini  to’qnashuv  jarayonlarini,  dramaturgiyaning  sir-
asrorlarini yaxshi tushunar edi. 
Mahkam Muhammedov. “Ustozlar izidan” 
Toshkent 2006 yil. 72-73-betlar.