Microsoft Word Tursunboyev S. O'zbek teatri tarixi. Majmua

Manbalar: 
Izzat Sulton. Aasarlar. Birinchi tom. G. G’ulom nomidagi Adabiyot va san`at nashriyoti.  
T. 1972y. Sobir Mirvaliyev O’zbek adiblari “Yozuvchi” nashriyoti 2000 y. 

---

TUROB TO’LA 
(1918—1990)
 
 
Atoqli  shoir  va  dramaturg  Turob  To’la  Qozog’iston  Respublikasi  Chimkent 
viloyatining Turbat qishlog’ida dehqon oilasida tug’ilgan. 
1934—1935-yillari  A. Loxutiy  nomidagi  Toshkent  teatr  texnikumida  o’qiydi.  So’ng 
Toshkent  pedagogika  institutining  kechki  bo’limida  tahsil  ko’radi,  ayni  paytda  gazeta  va 
jurnal  tahririyatlarida  ishlaydi.  Aktyorlik  kasbini  davom  ettirish  nasib  etmaydi.  Lekin 
san’atdan uzoqlashmaydi. Uzoq yillar davomida Respublika San’at ishlari boshqarmasining 
boshlig’i,  Milliy  akademik  teatr  rahbari,  «O’zbekfilm»,  O’zbekiston  Yozuvchilar 
uyushmasida mas’ul lavozimlarda ishlaydi. 
Turob  To’la  adabiyotga  shoir  sifatida  kirib  kelgan,  1939-yili  uning  birinchi  she’riy 
to’plami  chop  etilgan.  Uning  ijodida  dramaturgiya  alohida  o’ringa  ega.  1965-yili  uning 
sahnaviy varianti asosida Muqimiy nomli musiqali teatrda Ch. Aytmatovning «Momo yer» 
(rejissor  A. Rahimov, bastakor I. Akbarov) asari sahnaga qo’yilgan. Ch. Aytmatov asariga 
xos  falsafiy  teranlik  ohangi  T. To’laning  Muqimiy  nomli  teatr  bilan  olib  borgan  keyingi 
izlanishlarida  ham  o’z  aksini  topdi.  «Qari  qiz»  (1965,  rejissor  R. Hamroyev),  «Qizbuloq» 
(1968,  rejissor  A. Rahimov)  shunday  musiqiy  dramalar  edi.  1980-yili  uning  shoira 
Nodirabegimning  fojiali  qismatiga  bag’ishlangan  «Quvvai  qahqaha»  tarixiy  dramasi 
yaratilgan.  Bulardan  tashqari  «Oygul  va  Baxtiyor»,  «Suyuk  momo»  pyesalari,  Oybekning 
«Qutlug’ qon» romaniga opera librettolarini yozgan.  
Turob  To’la  kinodramaturg  sifatida  «Maftuningman»  (1958),  «Furqat»  (1960) 
«Marg’ilonlik  qiz»,  «Talant»,  «Shashmaqom»,  «Qahr»  singari  kinofilmlar  ssenariylari 
muallifi hisoblanadi. 
Turob  To’la  «Toshkent  nahori»,  «Oltin  sandiq»,  «Shirmonoy»,  «Uch  dugona», 
«Sanam, hech bormi insofing» singari o’nlab qo’shiqlari bilan tanilgan qo’shiqchi shoir edi. 
Nozikta’b  teatrshunos  —  tahlilchi  ekanligi  teatr  spektakllari  muhokamalarida  aytilgan 
samimiy,  o’tkir  mulohazalari  qatori  vaqtli  matbuotda  e’lon  qilingan  maqola,  taqriz  va 
san’atkorlar  haqidagi  ijodiy  portretlarida  o’z  aksini  topgan.  Unga  O’zbekistonda  xizmat 
ko’rsatgan san’at arbobi, O’zbekiston xalq yozuvchisi unvonlari berilgan.