Апрель 2021 йил. Тошкент: «Tadqiqot», 2021. 30 б

Апрель  2021  3-қисм

Тошкент

TARIX FANINI O‘QITISHDA INNOVATSION METODLARDAN FOYDALANISH

Raximova Madina, 

Navoiy viloyati Qiziltepa  tumani 

11-umumta’lim maktabi tarix o‘qituvchisi

Ta’lim  tizimining  modernizatsiya  qilinishi  uni  tarkibiy  jihatdan  qayta  tashkil  etish  jarayoni 

fan texnika va texnologiyalarning jahon miqyosidagi zamonaviy yutuqlarini hisobga olgan holda 

ta’lim dasturlarini o‘zgartirib, yangilab borishni ko‘zda tutadi. 

O‘quvchilarning qobiliyatlari va imkoniyatlariga muvofiq ravishda ta’limga tabaqalashtirilgan 

yondashuvning  joriy  etilishi,  ta’lim    berishning  zamonaviy  o‘quv  uslubiy  majmualarining 

yaratilishi,  ilg‘or  pedagogik  texnologiyalarni  ta’lim  jarayoniga  tatbiq  etish  zarurati,  ta’lim 

–  tarbiya  jarayonini  didaktik  jihatdan  ta’minlanishi  umumiy  o‘rta  ta’lim  tizimida  faoliyat 

yuritayotgan o‘qituvchilar zimmasiga ta’lim, fan, texnika va texnologiyalarning jahon miqyosidagi 

yangiliklarini  amaliyotga  tatbiq  etish,  pedagogik  jarayonni  ilmiy  asosda  loyihalash  va  tashkil 

etish vazifasini yuklaydi. Buning uchun o‘qituvchilar ta’lim berishning turli xil usullarini bilishi 

va  ularga  asoslanishi,  yangi  g‘oyalarning  yo‘nalishlarini  aniqlay  olishi,  ilg‘or  tajribalarni    o‘z 

faoliyatiga  tatbiq  etishi  lozim.  Bu  jarayonda  nafaqat  ta’lim  mazmuni,  balki  qo‘llanilayotgan 

o‘qitish  texnologiyalari  ham  muhim  rol  o‘ynaydi.  Bu  jarayonda  o‘qish  va  bilish  faoliyatini 

o‘zgartirishning  imkoniyatlaridan  biri  o‘quv  jarayoniga  muammoli  o‘qitish  texnologiyalarini 

tatbiq  etishdir.  Chunki  muammoli  o‘qitish  jarayonida  o‘qituvchilar  ham,  o‘quvchilar  ham 

o‘zlarining  intellektual,  jismoniy,  ma’naviy  imkoniyatlarini  o‘quv  va  amaliy  muammolarini 

yechish uchun sinovdan o‘tkazadilar. Bu jarayonda hosil bo‘lgan amaliy ko‘nikma va malakalar 

axborot jamiyati sharoitida yashash uchun zarursifatlarni shakllantirishga olib keladi. Shu bilan 

birga  muammoli  o‘qitish  texnologiyalari  o‘quvchilarda  tanqidiy  fikrlash,  real  dunyoda  paydo 

bo‘layotgan  qiyinchiliklarni  ko‘ra  bilish  va  ularni  bartaraf  etishning  optimal  yo‘llarini  izlab 

topish, ijodiy fikrlash, yangi g‘oyalar yaratish qobiliyatini rivojlantirishga yordam beradi.