Matematika fani bo‘yicha o‘zbekiston respublikasi uzluksiz ta’lim milliy o‘quv dasturlari ta’lim sifatini nazorat qilish davlat inspeksiyasi

Informatika va axborot texnologiyalari 
fani yordamida matematika fanini o‘qitish 
jarayonining samaradorligini turli ko‘rinishdagi axborot-kommunikatsiya texnologiyalari 
va kompyuter texnikasidan foydalanish orqali oshirishga ulkan imkoniyatlarni yaratadi.
Fizika
  fanini  o‘qitishda  o‘quvchilar  tabiat  hodisalarini  va  asosiy  fizik  jarayonlarni 
anglash bilan birga, texnika va texnologiyalarni rivojlantirishda matematik formulalarni 
qo‘llashni o‘rganadilar. Ko‘pgina fizik masalalar tenglama yoki tenglamalar sistemasini 

---

30
tuzish va ular bilan ishlash ko‘nikmasining shakllangan bo‘lishini taqozo etadi. Fizika 
fanini o‘qitishda matematika fani nafaqat hisoblash apparati sifatida, balki matematik 
mulohazalar yordamida voqelik, hodisaning xarakteri haqida fizik xulosalar chiqarishga 
hamda  mazkur  jarayonlar  tadqiq  qilish,  matematik  tenglamalarni  yechish  orqali  fizik 
hodisalar haqida fikr yuritish imkonini beradi. Fizik masalalarni matematika darslarida 
tahlil qilish jarayonida o‘quvchilarning mantiqiy fikrlash qobiliyati, aqliy rivojlanishi va 
umuminsoniy  qadriyatlarni  shakllantirish  barobarida  olamning  yagona  manzarasiga 
oid  tafakkurlarini  rivojlantirish  hamda  egallagan  bilimlardan  hayotiy  muammo larni 
 
hal qilish, kundalik faoliyatlarida foydalanish ko‘nikmasini shakllantirishni ko‘zda  
tutadi.
Biologiya
  fani  o‘quvchilarda  jonli  tabiatning  obyekti  va  tizimini  his  etishni,  jonli 
va  jonsiz  tabiat  o‘rtasidagi  aloqalarni  shakllantiradi.  Bir  vaqtning  o‘zida  atrofimizni 
o‘rab  turgan  jonli  tabiatga  ijobiy  munosabat,  tabiiy  rang-baranglikni  saqlab  qolish, 
shuningdek,  javobgarlikni  his  qilgan  holda  mustahkam  hayotiy  faoliyat  shakllanadi. 
Matematika  darslarida  jonli  tabiatning  biologik  qonuniyatlari  va  modellari  haqidagi 
hayotiy masalalarni tahlil qilish orqali bu ikki fan orasidagi integratsiya ta’minlanadi.
Kimyo
 fani o‘quvchilarda organik va anorganik moddalar va tuzilmalarni tabiatning 
obyekti sifatida his etish ko‘nikmalarini shakllantiradi. Matematika darslarida moddalar 
va  tuzilmalarning  tuzilishiga  oid  geometrik,  sifat  va  miqdoriy  kattaliklarni  tahlil 
 
qilish  orqali  ularning  kimyoviy  xususiyatlarini  o‘rganish,  tadqiq  qilish  hamda  xulosa 
chiqarish orqali bu ikki fan orasidagi uzviy aloqadorlik ta’minlanadi.
Geografiya
  fani  o‘quvchilarda  tabiat  in’omlari  va  insonning  iqtisodiy  faoliyati 
natijasida yaratilgan obyektlarni tizimli ravishda, birgalikda his etishni shakllantiradi. 
Matematika  darslarida  geografik  obyektlarga  doir  hayotiy  masalalar  yechish  va  tahlil 
qilish orqali bu ikki fan orasidagi aloqadorliklar aniqlanadi.