Toshkent farmatsevtika instituti dori turlari texnologiyasi kafedrasi biofarmatsiya

Takror dozalarni yuborish orqali o‘tkaziladigan tajriba 
Bu  tajriba  surunkali  foydalaniladigan  dori  preparatlarini  biologik  ta’sir  darajasini 
aniqlashda o‘tkaziladi. Bu usul shifoxona sharoitida kasallarni davolash bilan birga olib boriladi. 
Dorining ta’sir darajasi  esa uni  biologik  suyuqlikdagi  konsentratsiyasi orqali aniqlanadi.  Tahlil 
uchun namunalar dori konsentratsiyasi ma’lum bir turg‘un miqdorga yetgandan so‘ng olinadi.  
Ko‘pincha  dori  5-10  marta  yuborilgandan  so‘ng  uning  konsentratsiyasi  turg‘unlashadi. 
Dorini qondagi konsentratsiyasi turg‘unlashgandan so‘ng, uni maksimal konsentratsiyaga yetish 
vaqti  bir  xil  bo‘ladi.  Shuning  uchun  oldin  standart  dori  shaklini  qondagi  maksimal 
konsentratsiyasi aniqlanib, so‘ng, tajribadagi dori shakli yuboriladi va belgilangan vaqtdan keyin 
uni  maksimal  konsentratsiyasi  aniqlanadi.  Analizga  qon  olish  bir  doza  preparat  yuborish 
oralig‘ida davom etadi va nisbatan kam qon sarflanadi. Agar maksimal konsentratsiya vaqti aniq 
bo‘lsa, uch marta qon olinib, xulosa chiqarish mumkin.  
Biologik  samaradorlik  darajasi  to‘g‘risidagi  xulosa  grafik  ostidagi  maydonni  hisoblash 
bilan yoki qondagi maksimal konsentratsiya orqali chiqarilishi mumkin.