Ergashxodjaeva Sh. Dj

 
9.2. Marketing xizmatini tashkil  etish tamoyillari 
 
Marketing  xizmatini  tashkil  etish  tamoyillari  asosan  uch  omilga  –  tanlangan 
strategiya,  tashkiliy  struktura  va  bu  strukturaning  qay  tariqa  faoliyat  yuritishiga 
bog’liq bo’ladi. 
Korxonada  marketing  faoliyatining  tashkiliy  strukturasi  ularning  asosida 
marketingni  boshqarish  amalga  oshiriluvchi  organlar  konstruksiyasi  sifatida 
ta’riflanishi  mumkin,  boshqacha  qilib  aytganda  bu  xizmat,  bo’lim  va  bo’linmalar 
majmuasi  bo’lib,  ularning  tarkibiga  u  yoki  bu  faoliyat  turi  bilan  shug’ullanuvchi 
xodimlar kiradi. 
Marketing  xizmati  va  strukturasi  marketing  konsepsiyasini  muvaffaqiyatli 
amalga  oshirishda  muhim  ahamiyatga  ega.  Marketingni  tashkil  etishning  barcha 
uchun  bir  xil  universal  sxemasi  mavjud  emas.  Marketing  bo’limlari  turli  asoslarda 
tuzilishi mumkin. Ular odatda korxona tijorat sohasining bir qismi hisoblanadi. Biroq 
o’ziga  xos  mahsulot  ishlab  chiqaruvchi  korxonalarda  bu  bo’limlar  texnik  sohaning 
elementlariga  aylanadi.  Har  bir  korxona  marketing  bo’limlarini  shunday  hisob-kitob 
bilan  amalga  oshiradiki,  bunda  u  marketing  maqsadlariga  erishish,  xaridorlarning 
qondirilmagan  ehtiyoj  va  talablarini  aniqlash,  bozorlarni  geografik  jihatdan 
kengaytirish, yangi bozor segmentlarini izlab topish, foydani oshirish va hokazolarga 
xizmat qiladi. 
Shu  bilan  bir  paytda  marketing  strukturalari  ko’p  jihatdan  korxona  resurslari 
hajmiga, chiqarilayotgan  mahsulotning o’ziga  xos xususiyatlariga,  mahsulotni sotish 
mo’ljallanayotgan  bozorlarga  va  korxona  boshqaruvida  yuzaga  kelgan  strukturaga 
bog’liq  bo’ladi.  A.Romanovning  qayd  etishicha,  variantlar  sonining  ko’pligiga 
qaramay,  korxonalar  marketing  faoliyatining  real  birlashuvi  ko’p  hollarda  tovarlar 

---

 
210 
yoki funksiyalar bo’yicha amalga oshiriladi.  
Tijorat faoliyati amaliyotida  marketing  xizmatini tashkil etish bo’yicha turlicha 
yondashuvlar – funksional, tovar, bozor va tovar-bozor yondashuvlari qo’llanmoqda. 
Ularning o’ziga xos xususiyatlari hamda kuchli va zaif tomonlarini ko’rib chiqamiz.